Sunday, January 17, 2016
Thursday, January 7, 2016
ကျောက်ဖရုံ
ဆေးဒါန
#ကျောက်ဖရုံ
မျိုးရင်း။ ။ Cucubitaceae (ဗူးမျိုးရင်း)
Bot ။ ။ Benincasacerifera Savi.
Eng ။ ။ White Gourd; White pumpkin;
Mon။ ။ Sort Khapee Htaw.
Shan ။ ။ Mak-Pak-Pein.
Mal ။ ။ Kumbalam.
ပါဠိ ။ ။ကက္ကာရု
ကျောက်ဖရုံသည် အချိုမျိုး အခါး မျိုးဟူ၍ ရှိသည်။ အခါး
မျိုးသည် အချိုမျိုးထက်သေးသည်။ အချိုမျိုးမှ ထွန်း၍ ခါးသော အခါးမျိုးလည်းရှိသည်။ ၄င်းကို မဆိုလို။ ဝက်ဖရုံ
တစ်မျိုးလည်း ရှိသေးသည်။ ၄င်း အသီး အဆံဖြင့် အဂ္ဂိရတ်လုပ်ငန်းတွင်ဆေးဒါန်ဖမ်းကြသည်။
အမြင့်ပေပေါင်း ၄၀၀၀ အထိဖြစ်ထွန်းပြီး မြန်မာနိုင်ငံ အနှံ့အပြားတွက် ပေါက်ရောက်သည်။ စိုက်ပျိုးပင်ဖြစ်သည်။မိုးဦးတွင် ကဆုန်မှ ၀ါဆိုအတွင်း မိုးနှောင်း တွင် တော်သလင်း လမှ တန်ဆောင်မုန်း အတွင်း အစေ့ကို တိုက်ရိုက် ချစိုက် နိုင်သည်။ ကျင်းအနက် တစ်တောင် ၊ အကျယ် ၄ ပေ ပတ်လည် တူး၍ မြေဆွေး ၅၀ % ခန့် ရောစပ်ပြီး ဖရုံစေ့များကို အစေ့မြှပ်ရုံမျှ စိုက်ရမည်။ စင်တောင့်တောင့် ထိုးပေးရသည်။ မိုးနည်းသောဒေသများတွင် မြေတွင် လွှတ်၍ စိုက်နိုင်သည်။ ခြောက်သွေ့ သော ဒေသများတွင် လိုအပ်သည့် အစိုဓာတ်ရအောင် ရေလောင်း ပေးရန်လိုသည်။စိုက်ပျိုးပြီး ရက်ပေါင်း ၆၀ မှ ၁၀၀ အတွင်း စတင် အသီးသီး ၍ ဆွတ်ခူးနိုင်သည်။ (အထူးသဖြင့် ကျောက်ဖရုံသည် အနံ့အသက်များကို စုပ်ယူနိုင်သော သတ္တိရှိသဖြင့် အနံ့အသက်ဆိုးသည့် နေရာများအနီး စိုက်ပျိုးခြင်း ၊ ထားသိုခြင်း မပြုရန် လိုသည်။ )
#အပင်
တစ်နှစ်ခံနွယ်ပင်မျိုးဖြစ်သည်။ အဖြူရောင် သို့မဟုတ် သံချေးရောင် အမွေးကလေးများဖြင့် ဖုံးလွှမ်းနေသည်။ ပင်စည် တောင့်တင်း၍ ထောင့်ပါသည်။ နွယ်နှာမောင်း ၃ ခုဖြာသည်။
#အရွက်
အရွက်သည် တောက်ပသော အစိမ်းရောင် ဖြစ်သည်။ အမွေးများရှိ၍ အောက်မျက်နှာပြင် တွင် ပို၍ အမွေးထူသည်။ နှလုံးပုံဖြစ်ပြီး အ၀ိုက် ၅-၇ ခုရှိသည်။ အ၀ိုက်များသည် ကျယ်ပြန့်၍ သုံးမြှောင့်ပုံရှိသည်။
#အပွင့်
အ၀ါရောင်ဖြစ်သည်။ ကြီး၍ ပွင့်ထီး ဖြစ်သည်။ လိင်စုံသည်။
#အသီး
တိုင်လုံးပုံဖြစ်ပြီး အစိမ်းရောင်နှင့် အဖြူရောင် ရောနေ၏ ။ နုစဉ် အခွံပျော့၍ ရင့်သော် ကြွပ်ဆတ်ပြီး မာသည်။ အခွံပေါ်တွင် အမွေးကြမ်းလေးများရှိသည်။ အစေ့များ ပြားပြီး အဖြူရောင် ရှိသည် ။
#စိုက်ပျိုးရန်နည်းအနေဖြင့် (ဟင်းသီးဟင်းရွက် စိုကိပျိုး
နည်း-လမ်းညွန်မှ)
#စိုက်နည်းနှစ်ခုမှ သင့်တော်သလိုသုံးနိုင်
သို့ မဟုတ် မိမိမိ စိတ်ကူးဖြင့်လည်းပြုလုပ်နိုင်။
ကျောက်ဖရုံတွင် ၁-၂ ပေနှင့် အလုံးကြီး၂ပေအထက်
အရှည်မျိုးဟူ၍ရှိပြီး အလုံးလတ်မျိုးများကို စီးပွါးဖြစ် မြေလွတ်တွင် စိုက်ပျိုးကြသည်။ အလုံးကြီးမျိုးများကို အချို့ ဒေသများတွင်စင်တင်စိုက်ကြပြီး ဧရာဝတီ တိုင်းမှ
ပန်းတနော် ဟင်္သတ အလုံးကြီးမျိုးများသည် ထင်ရှားသည်။ မျိုးအားလုံး၏အပြင်ခွံ တွင် ဖရောင်း
ပါဝင်မှု များ၍ အဖြူရောင်ပိုတောက်သည်။
စိုက်ချိန်အနေဖြင့်မိုးနှောင်းတွင် မြေလွတ်စိုက်ကြပြီး
စင်တင်စိုက်ပါက တစ်နှစ်ပါတ်လုံးစိုက်ပ်ျုးနိုင်သည်။
အချို့ဒေသများတွင် သစ်ပင်ကြီးများနှင့် တဲများပေါ်တွင်
တင်ကာ နှစ်ပါတ်လည် စိုက်ပျိုးထားတတ်ပြီး အလုံးလတ်မျုးများကို ယိုလုပ်ငန်းအတွက စီးပွါးဖြစ်
မြေလွတ်၍ စိုက်ပျိုးကြသည်။
စိုက်ပျိူးခြင်းအနေဖြငိ့ စင်တင်စနစ် မြေလွတ်စနစ်ကို ဘောင်ဆွဲ၍ တိုက်ရိုက်အစေ့ချ စိုက်ကြသည်။
သဘာဝ မြေကြဇာ နှင့် နွားချေး တီစူပါ မြေသြဇာ တို့ ကို
ရော၍ စိုက်ဘောင်ကိုဆွဲပြီး သမ အောင် မွှေ၍ ထည့်ပေး
ရမည်။စင်တင်စနစ်တွင် ၃ ပေ အကျယ် ၁ ပေ အမြင့်ဘောင် ဆွဲ၍ စိုက်ပါ။ စိုက်ဘောင်ကြီးလေ ပိုကောင်း လေဖြစ်ပါသည်။ မြေလွတ် စနစ်တွင် ၂ ပေ အကျယ် ၁ ပေ အမြင့်ဘောင်ဆွဲ၍ တစ်ပင်နှင့်တစ်ပင်
၂ ပေကြားနှစ်တန်းစိုက်ပြီး တစ်ဘောင်နှင့်တစ်ဘောင်
၁၅ -၂၀ ပေ အရှည်ဆွဲပါက တစ်ဧက လျင် အပင်
၂၀၀၀ ခန့် ထည့်သွင်း၍ ရပါသည်။
မြေသြဇာ ထည့်သွင်းခြင်း အနေဖြင့် ကျောက်ဖရုံ
တစ်ဧက လျှင် သဘာဝမြေသြဇာလှည်း ၁၀ -၂၀ စီး
ပုလဲ ၁၂ အိတ် တီစူပါ ၂-၄ အိတ် ပိုတတ်ရ်ှမြေသြဇာ
၁-၂ အိတ် ထည့်ပေးရမည်။ ဒေသ မျိုး အားလုံးတို့ အား
စိုက်ပြီး ရက် ၁၀၀ ကျော်မှ စတင်ခူးဆွတ်နိုင်ပါသည်။
စိုက်ပြီး အရွက် ၇ ရွက်ထွက်ချိန်တွင် ခေါင်နှိမ် ပေးသင့်ပါသည်။
အပင်ပြုစုခြင်းတိုက်ရိုက် အစေ့ချ စိုက်ခြင်း ဖြစ်၍ အပင် ငယ်စဉ်တွင် သတိထားပြီး ပေါင်းရှင်းပေးပါ။
အစေ့ ကို အညှောက်ဖေါက်ပြီးမှ ချပါ။ အပင်ငယ်စဉ်
တွင်ရေကို မပြတ် လောင်းပေးရမည်။ အပင်ကြီးထွားစဉ်
ရေငတ် ဒဏ် အတော်အသင့်ခံနိုင်ပြီး အသီး စတင်သီး
ချိန်တွင် လိုအပ်ပါက ရေသွင်းပေးဖို့ လိုအပ်ပါသည်။
ပိုးမွှား ရောဂါကို အခြား ဘူး ဖရုံ မျိုးရင်းဝင်အပင်များ
ထက်ပိုခံနိုင်သော်လည်း ရောဂါကင်းလေ အသီးထွက်
ပို၍ တာရှည်လေ ဖြစ်သဖြင့် အပင်ငယ်စဉ်တွင် ပိုးမွှား
များကို ဂရုစိုက်ပြီး မှိုနှင့် အခြားရောဂါများကို ကြိုတင်
ကာကွယ်ထားသင့်ပါသည်။
အစေ့နှင့် ခူးယူခြင်းကို အစေ့ချပြီး ရက်ပေါင်း ၁၀၀ ကျော် တွင် စတင်ခူးယူစားသုံးနိုင်ပါသည်။ မျိုးစေ့ ထုတ်ယူလိုပါက ပန်းပွင့်ပြီး ၆၅ ရက်ကျော်မှ ခူးဆွတ်
သင့်ပါသည်။ကျောက်ဖရုံသည် တာရှည် အထားခံ
သဖြင့် အလုံးလိုက် အရိပ်တွင် နှစ်ပါတ်လည် ထားသင့်ပါသည်။ ကျောက်ဖရုံကို မျိုးစေ့ အတွက် အလုံး
လိုက်သဘာဝ အတိုင်း သိုလှောင်ခြင်းဖြင့် အပင်ပေါက်
ရာခိုင်နှုန်း ပိုကောင်းပါသည်။
သတိပြုရန် အနေဖြင့် ရေများကြိုက်သော်လည်း
အမြစ်မပုပ်စေရန် ဂရုပြုပါ။ရေပေး လွန်ပါက အရွက်အား
ကောင်းပြီး အသီးအားယုတ်တတ်ပါသည်။ အရွက် အရမ်
များလာပါကချွေပစ်ပါ။ အသီးကို ခူးသောအခါ အညှာ
တစ်လက်မခန့် ထားပြီး နေရိပ်တွင်ထားပါ။
မခြောက်ခင် တစ်လုံးနှင့်တစ်လုံး မထိပါစေနှင့်။
#အသုံးဝင်ပုံ
အပွင့် ၊ အသီး ၊ အစေ့ ၊ အမြစ် ၊ အထူးသဖြင့် အသီးကို ပို၍ အသုံးပြု၏။
#အာနိသင်
မြန်မာဆေးကျမ်းများအလိုအရ ချို၍ အနည်းငယ် ငန်သော အရသာရှိသည်။ အားကို တိုးပွားစေ၍ သည်းခြေကို နိုင်၏ ။ မှည့်သောအသီးသည် ၀မ်းမီးကို တောက်စေသည်။ သွေး ၊ လေရောဂါနှင့်ရူးသွပ်ခြင်းကို ပျောက်စေ၍ ဆီးအိမ်ကို သန့်ရှင်းစေတတ်၏ ။
#အပွင့်အသုံးပြုပုံ
၁ ။ ကျောက်ဖရုံပွင့်ကို ကြိတ်စားသော် ကာလ၀မ်းရောဂါပျောက်၏။
#အသီးအသုံးပြုပုံ
၁ ။ အသီးသည် အဆုတ်ရောဂါကြောင့် အားအင်ကုန်ခန်းခြင်းအတွက် အာဟာရ ဖြစ်စေ သည်။အသီးရည်ကို သောက်ခြင်းဖြင့် သွေးယိုစီးခြင်းနှင့် သွေးအန် သွေးကျ ရောဂါ ပျောက်၏ ။
၂ ။ အသီးရည်တွင် ရှိန်းခိုနှင်ဂျုံပြာဆား အနည်းငယ်ထည့်သောက်သော် ဆီးအိမ်ရောင်ခြင်း ပျောက်၍ ကျောက်ကပ် တွင်တည်သော ကျောက်ကို အရည်ပျော်၍ ကျစေ၏ ။
၃ ။ ကျောက်ဖရုံရည် ကို ၀က်ရူးနာ ၊ လေနာ ၊ အရူးရောဂါတို့ အတွက်လည်း သုံး၏။
#အစေ့အသုံးပြုပုံ
၁ ။ အစေ့ကိုသန်ကျဆေးအဖြစ် သုံးသည်။
#အမြစ်အသုံးပြုပုံ
၁ ။ ကျောက်ဖရုံမြစ်မှုန့်ကို ရေနွေးနှင့် သောက်လျှင်ချောင်းဆိုးရောဂါနှင့် ပန်းနာရင်ကျပ် ရောဂါ ပျောက်၏။
များသော အားဖြင့် အသီးကို သုံးရသည်။ ချို၏။ အမှည့် အနည်းငယ် ဖန်၏။ အေး၏။ (အစိမ်း) အနည်းငယ် အေး၏။ ၀ိပါက ချို၏ ။
အားကို တိုးပွားစေ၏။ သုတ်ကို တိုးပွားစေ၏။ ကြေကျက်ခဲ၏။ မှည့်သော အသီးသည် ၀မ်းမီးကို တောက်စေ ၏။ ကြေကျက် လွယ်၏။
ဆီးအိမ်ကို သုတ်သင်တက်၏။ သည်းခြေကို နိုင်၏။
ကျောက်ဖရုံသီး အနုသည် အေး၏သည်းခြေကို နိုင်၏
ကျောက်ဖရုံသီး အလတ်သည် သလိပ်ကို ပျက်စေသည်။
ကျောက်ဖရုံသီး အရင့် အမှည့်သည် မအေးလွန်းချို၏။စဉ်ငယ်ဖန်၏ကြေ လွယ်၏ဝမ်းမီးကို
တောက်စေတတ်သည်။ဆီးကို ရွင်စေတတ်သည်။ ဒေါသ
သုံးပါးကို နိုင်ပြီး ရူးသော အနာကို နိုင်သည်။
#ကျောက်ဖရုံ သီး၏ သတ္တုရည်ကို သွေးအန်သွေးဝမ်း၊ သွေးယိုစီးသော ရောဂါများကို တိုက် ကျွေးလျှင် ပျောက်ကင်း စေသည်။
ကျောက်ဖရုံသီးကို ဆီးနည်း၊ ဆီးအောင့်၊ ဆီးချုပ်၊ ဆီးကျောက်တည် ရောဂါ များ၌ အသီး သတ္တုရည် ၃ ကျပ်သားတွင် ရှိန်းခိုနှင့် ဂျုံပင်ပြာ ဆားအနည်းငယ် ရောထည့်၍ တိုက်ကျွေး ခြင်းဖြင့် ပျောက်ကင်း စေနိုင်သည်။
အဆုတ်နှင့် ပတ်သက်၍ မြစ်ခြောက်နာ၊ အဆုတ်ရောဂါ၌ အားအင် ကုန်းခမ်းခြင်းတို့ အတွက် အသီးကို ငရုတ်ကောင်း ၊ ပိတ်ချင်း၊ ဂျင်း၊ ပျားရည်၊ ထောပတ်၊ သကြားတို့နှင့် ရောစပ်၍ (ကုမ္ဘဏ္ဍ ချက်ဆေး) အဖြစ် အသုံးများ ကြသည်။
#ကုမ္ဘဏ္ဍချက်ဆေး အဖြစ်ဖေါ်ပြရပါက။
၁။ ကျောက်ဖရုံသီး ၃ ပိဿာ ၂၅ ကျပ်
၂။ထောပတ် ၂၅ ကျပ်
၃။သကြား ။
၎။ပျားရည် ။
၅။ချင်းခြောက် ၆ ပဲ
၆။ပိတ်ချင်း ၆ ပဲ
၇။သစ်ကြပိုး ၁ ကျပ် ၄ ပဲ
၈။ဖါလာ ။
၉။ကရဝေး ။
၁၀။ ငရုတ်ကောင်း ။
၁၁။နံနံစေ့ ။
၁၂။ဇီယာ ။
အမှတ်စဉ်- ၁ ၂ ၃ ၄ ကိုတေဆေး ကဲ့သို့ ချက်ပြီး ကျန်သည့် ဆေးအမယ်များကို အမှုန့် ပြုထည့်ပါ။
ရသ အနေဖြင့် ပူ ဆိမ့် ခါး ဝိပါက အနေဖြင့် ပူစပ်
ဂုဏ် အနေဖြင့် ဥဏှ ဂရု ထူလ ထိရ သိနိဒ္ဓ ရှိသည်။
အကျိုးသွား အနေဖြင့် သီတ ငြိမ်း အတွင်း ပထဝီ အာပေါနှင့် တစ်ကွ အားကို ဖြစ်စေသည်။
သုံးစွဲရန် အညွန်း အနေဖြင့်- သွေးအန် သွေးလျှံ သွေးကျ
စသော ရတ္တပိတ် ရောဂါများနှင့် သလိပ်ပုတ်ဆန်သူများ
အခိုးအကင်းငုပ်သူများ အားရေအေး ဖြင့် မနက် ည တိုက်ပါ။
ကျောက်ဖရုံစေ့ ငါးမတ်သားကို ကြိတ်၍ နှမ်းဆီတို့နှင့် ဖျော်ပြီး တိုက်ကျွေးပြီးနောက် နူးညံ့သော ၀မ်းနှုတ်ဆေး တိုက်ကျွေးလျှင် သန်၊ တုတ် ပိုးမွှားကို ကျဆင်း စေသည်။
ကျောက်ဖရုံစေ့မှအဆီထုတ်၍တိုက်ကျွေးလျှင်သန်၊တုတ်များကိုကျဆင်း စေပါသည်။ ကျောက်ကပ် ဖောရောင်ခြင်းနှင့် အသည်းရောင် အသားဝါ ရောဂါ များ၌ အသီး၊ သတ္တုရည်ကို သကြား၊ ကလူးကို့စ် တို့နှင့် တိုက်ကျွေး ခြင်းဖြင့် ပျောက် ကင်း စေပါသည်။
ကျောက်ဖရုံသီး ကို ဂျစ်ဖြင့်ခြစ် ကာ ဆား အနည်းငယ်၊ သကြား သင့်တော်ရုံ ထည့် ၍ ဖျော်ရည် အဖြစ်ပြုလုပ်ပြီး နေ့စဉ် နံနက် တစ်ခွက် ညတစ် ခွက် အမြဲသောက်သုံး ပေးသောကြောင့် မခံမရပ်နိုင်အောင်ခံစားနေရသော ဝေဒနာသည် နှစ်ပတ် ခန့်အကြာတွင် ယူပစ်သလို သက်သာပျောက် ကင်း ပါသည်။
ကျောက်ဖရုံသီး သည် ကျောက်ကပ်ရောဂါသာ မက ဆီးလမ်း ကြောင်း တွင် ကျောက်တည်ခြင်းများ ကို လည်း ပျောက်ကင်းစေကြောင်း သိခဲ့ရသည်။
ဆီး လမ်းကြောင်း တွင် ပိတ်ဆို့ နေသော ကျောက်များ ကိုပင် အရည်ပျော်စေသည်။ထို့ကြောင့် ဆီးနှင့် ပတ်သက်သော ရောဂါများ တွင် လည်း ကျောက်ဖရုံသီးကို လိုအပ် သလို စားသုံးပေးခြင်းဖြင့် ငွေကုန် သက်သာ လူ မပင်ပန်းဘဲ ရောဂါ ပျောက်ကင်းစေသည်။ ထို့ ပြင် ကျောက်ကပ်ကြောင့် အသည်းအသန်အောင့်နေသူများ ကျောက်ဖရုံသီးကို ခွဲ အူတိုင်ထုတ်ပြီး ကျောက်ကပ်နေရာသို့ အတွင်းသားဖြင့်ကပ်၍ စည်းထားပါ။ ဖြေးဖြေးသက်သာလာပါမည်။
ထို့ကြောင့် မြန်မာ့ စိုက်ပျိုးရေး မှ ထွက်သော သီးနှံ များသည် ကျန်းမာရေး အတွက် အထူးကောင်းမွန်သော အစား အစာ များဖြစ်သလို အလွန် အသုံး ဝင်သော ဆေးစွမ်းကောင်းများ လည်းဖြစ်သည်။ ကျောက်ဖရုံသီး ကို ကြော်ချက် ၍ လည်းကောင်း၊ ဟင်းချို အဖြစ်လည်းကောင်း နှစ်သက် သလို ချက်ပြုတ်၍လည်း စားသုံး နိုင် သည်။
ထို့အပြင် ကျောက်ဖရုံသီး အနု ကိုလည်း တို့စရာ အဖြစ် စားသုံး နိုင်သည်။ ဝေဒနာ ခံစားရသောရောဂါ အတွက် ငွေကုန်ကြေးကျ သက်သာသည့် ဆေးကောင်းတစ်လက်ပင်ဖြစ်သည်။
နွယ်မြက် သစ်ပင် ဆေးဖက်ဝင် ဟူသော စကားနှင့် အညီ မြန်မာနိုင်ငံ တွင် ပေါက်ရောက်နေသော အပင် များသည် တိုင်းရင်းဆေး အဖြစ် အသုံးဝင်လျက် ရှိသည် ကို အသိနည်းနေသေး သည်။ နိုင်ငံခြားဆေးများ ကိုသာ အလေးထား သုံးစွဲနေခြင်းကြောင့် ဘေးထွက် ဆိုးကျိုး တို့ကို တောရွာများ သာမက မြို့ပေါ် ၌ပင် ခံစားနေရခြင်းဖြစ်သည်။
နိုင်ငံခြားမှ တင်သွင်းသော ပဋိဇီဝဆေး များ သည် အခန့်မသင့် လျှင် ဆိုးကျိုး များဖြစ်ပေါ်စေပြီး အထူး သဖြင့် ကျေးလက် ဒေသနှင့်တောင်ပေါ်ဒေသ တို့တွင် ကျွမ်းကျင် ဆရာ ဆရာမ များ ရှားပါးနေ ခြင်းကြောင့် အစာလည်းဆေး၊ ဆေးလည်းအစာ ဟူသောစကား ကို မေ့လျော့ လျက် ဆိုးကျိုး အချို့ကို ကြုံတွေ့နေ ရခြင်းဖြစ်သည်။
ကျောက်ကပ်ဝေဒနာ သည် လွန်စွာ ခံရခက်သော ဝေဒနာဖြစ်ကြောင်း ခံစားရဖူး သူတိုင်း သိရှိပြီး ဖြစ် သည်။ ယောက်ျားတွင် ဆီး၊ မိန်းမ တွင် မီး ဟူသော စကားနှင့် အညီ အမျိုးသမီးများ အတွက် မီးယပ်ရောဂါ သည် အသက် အန္တရာယ်နှင့် ရင်ဆိုင်ရ သကဲ့သို့ အမျိုးသားများ အတွက် ကျောက်ကပ်ရောဂါ သည်လည်း ဆိုးရွား စွာ ခံစားရကာ အသက် အန္တရာယ်နှင့် နီးစပ်ကြောင်း ဝေဒနာခံစားရဖူး သူတိုင်း သိရှိပြီးဖြစ်သည်။
ကျောက်ဖရုံသီး တစ်လုံးလုံး သာမက အရွက်၊ အမြစ်ပါ ကျောက်ကပ် ရောဂါအတွက် အသုံးဝင်နေ ပါကြောင်း ကို အသုံးပြုနိုိင်ပါသည်။
ကျောက်ဖရုံသီး၏ ထူးခြားသောစွမ်းရည်မှာ အနံ့အသက်ဆိုးများကို စုပ်ယူနိုင်ခြင်းဖြစ်သည်။ အထက်အညာ အချို့ရွာများ ၌ လူတစ်ယောက်သေ၍ သွေးပုပ်အရိအရွဲများကျလျှင် လူသေ၏အောက်၌ ကျောက်ဖရုံသီးခြမ်း ခံထားသည့်ဓလေ့ရှိသည်။
· အခြားအံ့ဖွယ်မှာ ကျောက်ဖရုံသီးကို မိုးကြိုးလွှဲအဖြစ် ဆောင်ကြခြင်းဖြစ်သည်။ ကျောက်ဖရုံသီး၌ မည်သည့်ဓါတ်ပါ၍ မည်သို့ကာကွယ်နိုင်စွမ်းရှိပုံကို လက်တွေ့ ဟုတ်/မဟုတ် မသိရသော်လည်း အချို့အိမ်များ၌ မိုးကြိုးအန္တရာယ်ကာကွယ်ရန်အတွက် ကျောက်ဖရုံသီး ချိတ်ဆွဲထားကြသည်။
အများစုသည် များသော အားဖြင့် ကျောက်ဖရုံသီး၏အသီးကိုချက်စား၍သော်လည်းကောင်း ယိုထိုး၍သော်လည်းကောင်း စားသုံးရသည်။ အသီး၏အရသားကား ချို၏။ အမှည့် အနည်းငယ် ဖန်၏။ အေး၏။ (အစိမ်း) အနည်းငယ် အေး၏။ ၀ိပါက ချို၏ ။ အားကို တိုးပွားစေ၏။ သုတ်ကို တိုးပွားစေ၏။ ကြေကျက်ခဲ၏။ မှည့်သော အသီးသည် ၀မ်းမီးကို တောက်စေ၏။ ကြေကျက် လွယ်၏။ ဆီးအိမ်ကို သုတ်သင်တက်၏။ သည်းခြေကို နိုင်၏။
အချို့ဆို ကလေးမရသူများက ကျောက်ဖရုံသီးကို အင်းကွက်ထိုး၍ အိပ်ခန်းထဲတွင်ထားကာ ယတြာကဲ့သို့ပြုလုပ်သူများလည်းရှိပါသေး၏ ထိုအထက်ထူးခြားသည်ကား ကျောက်ဖရုံသီးသည် မိုးကြိုးစက်ကွင်းလွတ်ပင်လွတ်သဖြင့် အချို့သောအိမ်များတွင် အိမ်ခေါင်မိုးတွင်ချိတ်ဆွဲထားကြသည်။
#ဖြစ်စဉ်တစ်ခု
လူတဦးမိုးကြိုးစက်ကွင်းထိမိသဖြင့် မသေဘဲတစ်ကိုယ်လုံးမဲသွားကာ မေ့မျောသွားခဲ့သည်။ ရွာသားများက သေပြီအထင်ဖြင့် မြေမြုတ်ရန်သုဿာန်သို့ပို့ဆောင်ခဲ့ကြပြီး ရွာဆရာတော်မှသေချာလေ့လာကာ မသေသေးကြောင်း မိမိတာဝန်ယူအကောင်းပကတိဖြစ်အောင်ကုသပေးမည် ပြန်လည်ကောင်းမွန်ပါက ရွာထဲတွင်နေထိုင်ခွင့်ရမည်ဖြစ်ကြောင်းပြောကြားသဖြင့် ရွာသားများကလည်း ဆရာတော်ကို ချစ်ကြောက်ကြည်ညိုသဖြင့် မလွန်ဆန်နိုင်ဘဲ လက်ခံခဲ့ကြပါသည် ။ဆရာတော်လည်း ကျောက်ဖရုံသီးကို အတုံးကလေးများပြုလုပ်ကာ ထိုမိုးကြိုးစက်ကွင်းထိထားသူကို အဝတ်မဲ့ဖြင့် တစ်ကိုယ်လုံးဖုံးအုပ်ထားလိုက်သည် (၅)ရက်လောက်ပင်ပြုလုပ်လိုက်ကာ တစ်ကိုယ်လုံးမဲနေသော ခန္ဒာကိုယ်မှာပင်ကိုပြန်လည်ဖြူလာပြီး သတိရလာခဲ့သည်။ဒီထက်မကများစွာအကျိုးကျေးဇူးရှိသော ကျောက်ဖရုံပါ။ ။
· ကျောက်ကပ်ဖောရောင်ခြင်းနှင့် အသည်းရောင်အသားဝါရောဂါများအတွက် ကျောက်ဖရုံသီးသတ္တုရည်ကို သကြားနှင့် ရောစပ်တိုက်ကျွေးနိုင်သည်။
· စိတ်ရောဂါအတွက် ကျောက်ဖရုံသီးသတ္တုရည်ကို တိုက်လျှင် စိတ်ငြိမ်သက်၍ အိပ်ပျော်စေနိုင်သည်။
· ခြေကြားထဲရှိ ၀ဲနာများအတွက် ကျောက်ဖရုံသီးအခွံကို အရည်ကျို၍ ၄င်းအရည်ဖြင့် ဆေးကြောပေးလျှင် ပျောက်ကင်းစေနိုသည်။ ၄င်းအရည်သည် ခြေထောက်မှထွက်သည့် အနံ့ဆိုးများကိုလည်း ကာကွယ်နိုင်သည်။
နေပူလျှပ်တာ ရောင်းရမ်းသာ သက်သာနိုင်တယ်၊ ကိုယ်တွင်းအပူကြီးတာကျစေတယ်၊ ဆီးကျိတ်ရောင် ကျောက်ကပ်နာ ဆီးမှာသွေးပါ အသည်းခြောက်လို့ ရေဖျဉ်းစွဲတာတွေအတွက် အာနိသင်ထူးရှိတယ် ခေါင်းမူး၊ ခေါင်ခဲတာ နဲ့ သွေးချိုရောဂါတွေ ကုရင်လည်းထိရောက်မှု ရှိတယ်၊ ကိုယ်တွင်းအဆီဓါတ် လျော့စေတယ်၊။
#ကျောက်ဖရုံယိုပြုလုပ်လိုပါက
ကျောက်ဖရုံယို လုပ်လျှင် အပူဒဏ် ခံနိူင်အောင် အတော်လေး ရင့်သော အသီးဖြင့် လုပ်ရပါတယ်။ အရောင်ကြည်ပြီး၊ ကြွပ်အောင် ထုံးရည် စိမ်ပြီး၊ ကျောက်ချဉ် ကတော့ ဖရုံယို ပိုကြွပ်ပြီး၊ ပိုဖြူအောင် ထည့်တာ ဖြစ်ပါတယ်။ သံပုရာသီး ကိုတော့ ဖရုံသီးအနံ့ မထွက်အောင် ထည့်ခြင်းဖြစ် ပါတယ်။
သကြားအချိုးအစား ကတော့ ပြုတ်ပြီးတဲ့ ကျောက် ဖရုံသီးနဲ့ အချိုးတူ ထည့်ရပါမယ်။ ဖရုံသီး (2 cups)ဆို ထည့်ရမယ့် သကြားကလည်း (2 cups)ဖြစ်ပါတယ် (ဖရုံသီးဖတ်တွေ သေသေချာချာခွက်ထဲ ဝင်အောင် ထည့်ကြည့်ဖို့တော့ လိုပါတယ်။)။
လုပ်တဲ့နည်းက ဖရုံသီးကို အတုံးကြီးကြီးလှီးလျှင် အပူပေးချိန်ပိုကြာသောကြောင့် သကြားများ ဝါသွားတတ်၍ အရမ်းမကြီးအောင် လှီးရပါတယ်။ အချောင်းသေးအောင် လှီးထားပေမယ့် ခြောက်ကပ် မသွားပဲ အပြင်သား ကြွပ်ပြီး သကြားရည်ဝတဲ့ အတွင်းသားကြောင့် အရမ်းစားလို့ကောင်းတဲ့ ကျောက်ဖရုံ ယိုလေး ဖြစ်ပါတယ်။
***... ကျောက်ဖရုံယို အတွက် လိုအပ်တာလေးတွေ…
1. အတော်လေးရင့်သော ကျောက်ဖရုံသီး – ကီလိုဝက် (၃၂ ကျပ်သားခွဲခန့်)
2. ထုချေထားသော ကျောက်ချဉ် (alum) – လက်ဖက်ရည်ဇွန်း ၁ ဇွန်းခန့်
3. ကွမ်းစားထုံး (lime stone or Chuna or Choona) – လက်ဖက်ရည်ဇွန်း ၁ ဇွန်းခန့်
4. ရေ – 10 cups (2500 ml )
5. သကြား – 2 cups (500 ml)
6. သံပုရာရည် – လက်ဖက်ရည်ဇွန်း ၁ ဇွန်းခွဲ
ရေ – 5 cups (1250 ml) ထဲ ထုံး နှင့် ကျောက်ချဉ် ထည့်ကာ ထုံးများပျော်အောင် ဖျော်ထားပါ။
အခွံပြောင်စင်အောင်ခွါထားသော ကျောက်ဖရုံသီးကို အစေ့ နှင့် ပျော့သည့်အသားများ လုံးဝ မပါအောင် ဖယ်ထုတ်ပြီး လက်သန်းလောက်လည်း မသေး၊ လက်ညှိုးလောက်လည်း မကြီးသည့် အချောင်းလေးများ လှီးထားပါ။
လှီးပြီးသည့် ကျောက်ဖရုံသီးများကို ဖျော်ထားသည့် ထုံး၊ ကျောက်ချဉ်ရည်ထဲ ထည့်ကာ အဖုံး ဖုံးပြီး ၆ နာရီခန့် ထားပါ။ (ထိုအတောအတွင်း ရေပေါ် ပေါ်နေသည့် ကျောက်ဖရုံသီးဖတ်များ အတွက် ၃၊၄ ခါ အပေါ်အောက်လှန်ပြီး မွှေပေးပါ။)
၆ နာရီခန့်စိမ်ထားပြီးနောက် ထုံးများ ပြောင်စင်သွားအောင် ရေဆေး၊ ရေ စစ်ထားပါ။
ရေစစ်ပြီးနောက် ပွက်ပွက်ဆူနေသော ရေ – 5 cups (1250 ml)ထဲ ထည့်ပြီး အိုးအဖုံး မဖုံးပဲ high heat ဖြင့် ၃ မိနစ် တည်ထားပါ။ (ရေပြန်ဆူလာလျှင် အနည်းငယ်မွှေပေးပါ။)
ပြီးလျှင် ချက်ချင်း ရေအေးဖြင့် လုံးဝ အေးသွားသည်အထိ ဆေးကာ၊ ရေ ကုန်အောင် စစ်ပြီးနောက်…
အနည်းငယ် ခြောက်သွားအောင် paper towel (သို့) စက္ကူ ပေါ် ၁ နာရီခန့် ဖြန့်ထားပေးပါ။
၁ နာရီခန့် ဖြန့်ထားပြီးနောက် ကျောက်ဖရုံသီး နှင့် သကြား ကို ဇလုံထဲ ထည့်ပြီး နှံ့သွားအောင် ခပ်ဖွဖွမွှေ ကာ အဖုံး ဖုံးပြီး သကြားရည်များ ဖရုံသီးထဲ စိမ့်ဝင်အောင် တစ်ညအိပ်ထားပါ။ (ရေလုံးဝ မထည့်ရပါ။)
နောက်တစ်နေ့မနက်တွင် အောက်ပုံပါအတိုင်း ပျော်နေသော သကြားရည်နှင့် သကြားရည်များ စိမ့်ဝင်နေသော ကျောက်ဖရုံသီး ကြည်ကြည်လေးများ ကို တွေ့ရမှာဖြစ်ပါတယ်။
ထိုသကြားရည်နှင့် ဖရုံသီးဖတ်များကို မကပ်သည့်အိုးထဲထည့်ကာ medium high heat ဖြင့် မိနစ် ၂၀ ခန့် တည်ထားပါ။ သံပုရာရည်ကို ဖြန့်ပြီးထည့်ပေးပါ။
သကြားရည်များပူပြီး အနည်းငယ် စပွက်လာလျှင် အိုးကပ်ပြီး မတူးအောင် မကြာခဏမွှေပေးဖို့ လိုပါတယ်။
မိနစ် ၂၀ ခန့် (သို့) သကြားရည်များ အောက်ပါပုံအတိုင်း ကော်ရည်ကဲ့သို့ ပျစ်လာသည်နှင့် medium low heat သို့လျှော့ကာ တတ်နိူင်သမျှ တစ်အိုးလုံး နှံ့အောင် ခြစ်ပြီး အဆက်မပြတ်မွှေပေးပါ။ (သကြား နှင့် ကျောက်ဖရုံသီးများ အိုးဖြင့်ကပ်ကာ တူးပြီး ရွှေဝါရောင်ပြောင်းသွားတတ်၍ အိုးကို ခြစ်ပြီးမွှေပေးဖို့ လိုပါတယ်။)
၃ မိနစ်ခန့်ကြာလျှင် (သို့) သကြားအတုံးအခဲများ စဖြစ်လာလျှင် (သကြားက ခပ်ထန့်ထန့်အနေအထားပါ) low heat သို့လျှော့ကာ ၂ မိနစ်ခန့် အဆက်မပြတ်မွှေပေးပါ။ (မွှေရတာ လွယ်ကူမြန်ဆန်စေရန် spatula ကိုပြောင်းသုံးထားပါတယ်။)
အောက်ပုံပါအနေအထားအတိုင်း သကြားများ ခပ်ထန့်ထန့်ဖြစ်မနေတော့ပဲ လုံးဝခြောက်သွားလျှင် ဆက်ပြီး မပူနေစေရန် ဒယ်အိုးမှ ဖယ်ပြီး လင်ဗန်းတစ်ချပ်ထဲ ဖြန့်ထည့်၍ အအေးခံထားပါ။
အေးသွားပြီးနောက် ကြွပ်ကြွပ်လေးနှင့် သကြားရည်ဝနေသော ကျောက်ဖရုံ ယိုလေး အရသာရှိစွာ သုံးဆောင်နိူင်ပါပြီ။ ပိုသည်များကို လေလုံဗူးထဲ ထည့်သိမ်းပေးပါ။
#ပုဂ္ဂလ အနေဖြင့် လ ဂိုဏ်းတွင်ထည့်သွင်းဖေါ်ပြထားပါ
သည်။
#လဂိုဏ်း ဆေးဖက်များ
ကသပေါင်း၊ ငါးပုတ်ပြား၊ ယောက်သွား၊ ဝမ်းဘဲသား
ငါးခူ၊ ငါးဖျင်းသလက်၊ မြွေသား၊ ငန်းဘဲသား
ငါးခုံးမ၊ ငါးဖယ်၊ ကနုကမာ၊ ကြက်သား
ငါးခေါင်းပွ၊ ငါးမုတ်၊ ခိုသား၊ ဖားသား
ငါးကလောင်ကြပ်၊ ငါးသလောက်၊ ခါသား၊ ကြွက်သား
ကင်၊ ငါးသိုင်း၊ ငူသား၊ ကြောင်သား
ငါးပတ်၊ ငါးသပိုး၊ ငုံးသား၊ ယုန်သား
ငါးဘဲဖြူ၊ ငါးနက်ပြာ၊ ချိုးသား၊ ဝက်သား
ငါးပြေမ၊ ငါးသံချိတ်၊ လင်းဝက်သား၊ ကျွဲသား
ကပ်သမျှင်၊ ငါးလူး၊ ဗျိုင်းသား၊ မြင်းသား
ငါးပုတ်သင်၊ လိပ်ကျောက်သား၊ ရေကြက်သား၊ ချေသား
မျောက်သား၊ ကြက်ဟင်းခါး၊ အာလူး၊ ပဲမြစ်
သိုးသား၊ မာလာ၊ မြောက်ဥ၊ သစ်ကြားသီး
ပွေးသား၊ သခွတ်၊ ပိန်းဥ၊ သစ်ခြသီး
ပူသား၊ ကျီးချေ၊ ကြက်သွန်ဖြူ၊ လက်ခုပ်
ဖွတ်သား၊ မဲဇလီ၊ ကြက်သွန်ဥကြီး၊ သီးသီး
မိကျောင်းသား၊ ပိလော၊ ကြက်သွန်မြိတ်၊ သဖန်း
ကျွဲနို့၊ ဘဲ့ပြား၊ ငရုတ်ကောင်း၊ တောင်သလဲ
မြင်းနို့၊ ပဲပြား၊ မာဆလာ၊ ပြောင်းဖူး
၎င်းဒိန်ချဉ်၊ ကင်ပလင်း၊ မှို၊ လိမ္မော်သီး
၎င်းထောပတ်၊ ပဲပင်ပေါက်၊ မျှစ်၊ ကျွဲကောသီး
မြင်းခွာရွက်၊ ခဝ၊ဲ ဖလံတောင်ဝှေး၊ ရှောက်သီး
ကြာရိုး၊ သပွတ်၊ ဂုံမင်း၊ ရှောက်ချိုသီး
ချဉ်ပေါင်ဖြူ၊ ဗုံလုံ၊ ဂုံခါး၊ တုံကျင်သီး
ရွှေဘိုချဉ်ပေါင၊် ကြောင်ပန်း၊ ပရန္နဝါ၊ ဘင်္ဂလားသရက်
ကင်ပွန်းချဉ်၊ ကျောက်ဖရုံ၊ ကြိမ်ဖူး၊ စွန်ပလွန်သီး
ဆလပ်ရွက်၊ လဲလူ၊ သရက်ကင်း၊ သလဲသီး
ဟင်းဂလာ၊ မလွှ၊ ဆီးဖြူသီိး၊ တောင်သလဲ
ဂန့်ဂလာ၊ ဆူးပန်း၊ ဂေါ်ရခါးသီး၊ ဇင်ပြွန်း
မုန်လာ၊ ဖက်သန်း၊ ဖန်ခါးသီး၊ ပဲကျား
တမာ၊ ကြိတ်မှန်၊ ပုံးရည်ကြီး၊ ပဲလွန်း
စပါးလင်၊ ဂေါ်ဖီ၊ ရခိုင်ငှက်ပျော၊ ကုလားပဲ
ပေါက်ပန်းဖြူ၊ ဆူးပုပ်၊ နံ့သာငှက်ပျော၊ ပဲကတ္တီပါ
ဒန့်သလွန်၊ ပိတ်ချင်း၊ ဖီးကြမ်းငှက်ပျော၊ ပဲဖြူလေး
ကြာဟင်း၊ ကွမ်း၊ ဝက်မလွတ်ငှက်ပျော၊ ပဲနုပြာ
ကသစ်၊ သီဟိုသရက်၊ သီးမွှေးငှက်ပျော၊ ပဲထောပတ်
ကြက်သဟင်း၊ ဘူး၊ မာလကာသီး၊ မတ်ပဲ
ကင်းပုံ၊ သဗြု၊ သင်္ဘောသီး၊ မြေပဲ
ဆင်နှာမောင်း၊ သခွား၊ သဖန်းသီး၊ လက်ဖက်
ဒန့်ကျွဲ၊ နိုကိုဥ၊ စပျစ်သီး၊ ချင်း
ဂျူးမြစ်၊ ဖျံဥ၊ မင်းကွတ်သီး၊ လက်ဖက်ရည်
ကာဖီ၊ ကိတ်မုန့်၊ မုန်ဟင်းခါး
ကိုကိုး၊ ပေါင်မုန့်၊ ငချိတ်ပေါင်း
ကြံရည်၊ ကျောက်ကျော၊ သကြား
ဆေးကုလားမ၊ ထောပတ်၊ ကြံသကာ၊ ပျားရည်။
#ပျားရည် ကို ဗဟို ဆေးအဖြစ် အသုံးပြုကြပါသည်။
ကိုးကားများ။ ။ ရှင်နာဂသိန် ပုံပြဆေးအဘိဓါန်။မြန်မာ့
ဆေးဖက်ဝင်အပင်များ။ ဆရာဦးသာတင့် ပုဂ္ဂလ ကျမ်း online data များ။
http://thuaungsi.blogspot.com/2015/10/cucubitaceae-bot-benincasacerife-ra-savi.html
.............................
ကျောက်ဖရုံယို လုပ်လျှင် အပူဒဏ်ခံနိူင်အောင် အတော်လေးရင့်သော အသီးဖြင့် လုပ်ရပါတယ်။ အရောင်ကြည်ပြီး၊ ကြွပ်အောင် ထုံးရည်စိမ်ပြီး၊ ကျောက်ချဉ်ကတော့ ဖရုံယို ပိုကြွပ်ပြီး၊ ပိုဖြူအောင် ထည့်တာဖြစ်ပါတယ်။ သံပုရာသီးကိုတော့ ဖရုံသီးအနံ့ မထွက်အောင် ထည့်ခြင်းဖြစ်ပါတယ်။
သကြားအချိုးအစားကတော့ ပြုတ်ပြီးတဲ့ ကျောက်ဖရုံသီးနဲ့ အချိုးတူထည့်ရပါမယ်။ ဖရုံသီး (2 cups)ဆို ထည့်ရမယ့် သကြားကလည်း (2 cups)ဖြစ်ပါတယ် (ဖရုံသီးဖတ်တွေ သေသေချာချာခွက်ထဲ ဝင်အောင် ထည့်ကြည့်ဖို့တော့လိုပါတယ်။)။
ကျွန်မ လုပ်တဲ့နည်းက ဖရုံသီးကို အတုံးကြီးကြီးလှီးလျှင် အပူပေးချိန်ပိုကြာသောကြောင့် သကြားများ ဝါသွားတတ်၍ အရမ်းမကြီးအောင် လှီးရပါတယ်။ အချောင်းသေးအောင် လှီးထားပေမယ့် ခြောက်ကပ်မသွားပဲ အပြင်သား ကြွပ်ပြီး သကြားရည်ဝတဲ့ အတွင်းသားကြောင့် အရမ်းစားလို့ကောင်းတဲ့ ကျောက်ဖရုံယိုလေး ဖြစ်ပါတယ်။
***... ကျောက်ဖရုံယို အတွက် လိုအပ်တာလေးတွေ…
1. အတော်လေးရင့်သော ကျောက်ဖရုံသီး – ကီလိုဝက် (၃၂ ကျပ်သားခွဲခန့်)
2. ထုချေထားသော ကျောက်ချဉ် (alum) – လက်ဖက်ရည်ဇွန်း ၁ ဇွန်းခန့်
3. ကွမ်းစားထုံး (lime stone or Chuna or Choona) – လက်ဖက်ရည်ဇွန်း ၁ ဇွန်းခန့်
4. ရေ – 10 cups (2500 ml )
5. သကြား – 2 cups (500 ml)
6. သံပုရာရည် – လက်ဖက်ရည်ဇွန်း ၁ ဇွန်းခွဲ
ရေ – 5 cups (1250 ml) ထဲ ထုံး နှင့် ကျောက်ချဉ် ထည့်ကာ ထုံးများပျော်အောင် ဖျော်ထားပါ။
အခွံပြောင်စင်အောင်ခွါထားသော ကျောက်ဖရုံသီးကို အစေ့ နှင့် ပျော့သည့်အသားများ လုံးဝ မပါအောင်ဖယ်ထုတ်ပြီး လက်သန်းလောက်လည်း မသေး၊ လက်ညှိုးလောက်လည်း မကြီးသည့် အချောင်းလေးများ လှီးထားပါ။
လှီးပြီးသည့် ကျောက်ဖရုံသီးများကို ဖျော်ထားသည့် ထုံး၊ ကျောက်ချဉ်ရည်ထဲ ထည့်ကာ အဖုံး ဖုံးပြီး ၆ နာရီခန့် ထားပါ။ (ထိုအတောအတွင်း ရေပေါ် ပေါ်နေသည့် ကျောက်ဖရုံသီးဖတ်များ အတွက် ၃၊၄ ခါ အပေါ်အောက်လှန်ပြီး မွှေပေးပါ။)
၆ နာရီခန့်စိမ်ထားပြီးနောက် ထုံးများ ပြောင်စင်သွားအောင် ရေဆေး၊ ရေ စစ်ထားပါ။
ရေစစ်ပြီးနောက် ပွက်ပွက်ဆူနေသော ရေ – 5 cups (1250 ml)ထဲ ထည့်ပြီး အိုးအဖုံး မဖုံးပဲ high heat ဖြင့် ၃ မိနစ် တည်ထားပါ။ (ရေပြန်ဆူလာလျှင် အနည်းငယ်မွှေပေးပါ။)
ပြီးလျှင် ချက်ချင်း ရေအေးဖြင့် လုံးဝ အေးသွားသည်အထိ ဆေးကာ၊ ရေ ကုန်အောင် စစ်ပြီးနောက်…
အနည်းငယ် ခြောက်သွားအောင် paper towel (သို့) စက္ကူ ပေါ် ၁ နာရီခန့် ဖြန့်ထားပေးပါ။
၁ နာရီခန့် ဖြန့်ထားပြီးနောက် ကျောက်ဖရုံသီး နှင့် သကြား ကို ဇလုံထဲ ထည့်ပြီး နှံ့သွားအောင် ခပ်ဖွဖွမွှေကာ အဖုံး ဖုံးပြီး သကြားရည်များ ဖရုံသီးထဲ စိမ့်ဝင်အောင် တစ်ညအိပ်ထားပါ။ (ရေလုံးဝ မထည့်ရပါ။)
နောက်တစ်နေ့မနက်တွင် အောက်ပုံပါအတိုင်း ပျော်နေသော သကြားရည်နှင့် သကြားရည်များစိမ့်ဝင်နေသော ကျောက်ဖရုံသီး ကြည်ကြည်လေးများ ကို တွေ့ရမှာဖြစ်ပါတယ်။
ထိုသကြားရည်နှင့် ဖရုံသီးဖတ်များကို မကပ်သည့်အိုးထဲထည့်ကာ medium high heat ဖြင့် မိနစ် ၂၀ ခန့် တည်ထားပါ။ သံပုရာရည်ကို ဖြန့်ပြီးထည့်ပေးပါ။
သကြားရည်များပူပြီး အနည်းငယ် စပွက်လာလျှင် အိုးကပ်ပြီး မတူးအောင် မကြာခဏမွှေပေးဖို့ လိုပါတယ်။
မိနစ် ၂၀ ခန့် (သို့) သကြားရည်များ အောက်ပါပုံအတိုင်း ကော်ရည်ကဲ့သို့ ပျစ်လာသည်နှင့် medium low heat သို့လျှော့ကာ တတ်နိူင်သမျှ တစ်အိုးလုံး နှံ့အောင် ခြစ်ပြီး အဆက်မပြတ်မွှေပေးပါ။ (သကြား နှင့် ကျောက်ဖရုံသီးများ အိုးဖြင့်ကပ်ကာ တူးပြီး ရွှေဝါရောင်ပြောင်းသွားတတ်၍ အိုးကို ခြစ်ပြီးမွှေပေးဖို့လိုပါတယ်။)
၃ မိနစ်ခန့်ကြာလျှင် (သို့) သကြားအတုံးအခဲများ စဖြစ်လာလျှင် (သကြားက ခပ်ထန့်ထန့်အနေအထားပါ) low heat သို့လျှော့ကာ ၂ မိနစ်ခန့် အဆက်မပြတ်မွှေပေးပါ။ (မွှေရတာ လွယ်ကူမြန်ဆန်စေရန် spatula ကိုပြောင်းသုံးထားပါတယ်။)
အောက်ပုံပါအနေအထားအတိုင်း သကြားများ ခပ်ထန့်ထန့်ဖြစ်မနေတော့ပဲ လုံးဝခြောက်သွားလျှင် ဆက်ပြီး မပူနေစေရန် ဒယ်အိုးမှ ဖယ်ပြီး လင်ဗန်းတစ်ချပ်ထဲ ဖြန့်ထည့်၍ အအေးခံထားပါ။
အေးသွားပြီးနောက် ကြွပ်ကြွပ်လေးနှင့် သကြားရည်ဝနေသော ကျောက်ဖရုံ ယိုလေး အရသာရှိစွာ သုံးဆောင်နိူင်ပါပြီ။ ပိုသည်များကို လေလုံဗူးထဲ ထည့်သိမ်းပေးပါ။
အပိုထွက်လာတဲ့ သကြားတွေဘာလုပ်ရမှာလည်းဟင်လို့မေးရင် အမြဲတမ်း ဘာပြန်လုပ်ရမှန်း မစဉ်းစားမိလို့ ကျောက်ဖရုံယိုနဲ့ ရောပြီး သိမ်းထားတယ်လို့ ဖြေပါရစေ…..
http://ngateasutharlay.blogspot.com/2014/12/blog-post_24.html
Friday, June 19, 2015
အသည်းဝေဒနာခံစားနေရသူများအတွက် .....ဆရာစောနေဝင်း (ရူပဗေဒ) ၏ ကျွန်တော့်အသည်းမာခဲ့ပါတယ်
အသည်းဝေဒနာခံစားနေရသူများအတွက်
========================
ဆရာစောနေဝင်း (ရူပဗေဒ) ၏ ကျွန်တော့်အသည်းမာခဲ့ပါတယ်
---------------------------------------------------------------
ဒီဘက်နှစ်တွေမှာ အသည်းရောဂါနဲ့ ပတ်သက်လို့ အသံတွေ ကျယ်ကျယ်
========================
ဆရာစောနေဝင်း (ရူပဗေဒ) ၏ ကျွန်တော့်အသည်းမာခဲ့ပါတယ်
---------------------------------------------------------------
ဒီဘက်နှစ်တွေမှာ အသည်းရောဂါနဲ့ ပတ်သက်လို့ အသံတွေ ကျယ်ကျယ်
လောင်လောင် ကြားလာ ရတယ်။ ဘီပိုး၊
စီပိုးနဲ့ အသည်းခြောက်တာတဲ့။
ခန္ဓာ ရှိရင် ရောဂါရှိမယ်ဆိုတာ သိပါတယ်။
အရင် တုန်းကတော့ အရက်
သောက်ရင် အသည်းရောဂါဖြစ်တတ်တယ်လို့
ကြားဖူးပါတယ်။ အခု ဒီရောဂါ
တွေက အဖြစ်များလွန်း လာပြီး အရက်၊ ကွမ်း၊
ဆေးလိပ်တွေနဲ့ ဘာမှမပတ်သက်
ဘာမှမသောက် စားတဲ့သူတွေ လည်း ဖြစ်လာကုန်ကြတယ်။
ဖြစ်ပြီးရင်လဲ
အများစုက အသက်ဆုံးပါးကြရတယ်။ ဒါကို
မစဉ်းစားပဲ မနေ သင့်တော့ ဘူး။
ကျွန်တော်
ဆရာဝန်မဟုတ်ပါဘူး။ စာရေးဆရာလဲ မဟုတ်ပါဘူး။ ကျွန်တော်
ဒီရောဂါကို
မလိုချင်ဘဲ လက်ခံလိုက်ရတဲ့ သူပါ။ ကျွန်တော့်ရဲ့အတွေးအခေါ်နဲ့
ကျွန်တော့်ရဲ့စိတ်ခံစားချက်တွေကို
မျှဝေယုံ သက်သက်ဖြင့် သာ
ရေးသားလိုက်ခြင်း
ဖြစ်ပါတယ်။
ကျွန်တော် လွန်ခဲ့တဲ့ ၂၀၀၇ ခုနှစ်လောက်မှာ ခြေထောက်တွေ စရောင်
လာပါတယ်။
ဒါနဲ့ပဲ ညီ အစ်ကိုလိုနေ တဲ့ ဆရာဝန်ဆီကို သွားပြီးပြပါတယ်။
ဒီဆရာဝန်က
ဂရုစိုက်ကြည့်ပြီး X-ray, Ultrasound နဲ့ လိုအပ် တဲ့
သွေးစစ်ဆေးခြင်း
တို့ကို စစ်ခိုင်းလိုက်ပါတယ်။ စစ်ဆေးချက်တွေကို ပြန်
ပြီးတော့
အားလုံးကောင်း ပါတယ်ဆိုပြီး လိုအပ်တဲ့ ဆေးတွေပေးလိုက်ပါတယ်။
ဒီလိုနဲ့ပဲ
ခြေထောက်တွေက ရောင်လိုက်၊ ကျလိုက် နဲ့ နေခဲ့တာ (၂၀၁၀)
ရောက်တော့စပြီး
ခေါင်းတွေအမြဲ မူးပြီး၊ မလှုပ်ချင် မကိုင်ချင် ဖြစ်လာတာပါပဲ။
ဒီတစ်ခါတော့
စစ်စရာ ရှိတာတွေ အကုန်ပြန်စစ်ပြီးမှ အရင်ဆရာဝန်ဆီ
ပြန်သွားပါတယ်။
ဆရာကလည်း ကြည့်ပြီးတော့ ကောင်း ပါတယ်။ ဒါပေမယ့် ပို
သေချာအောင်ဆိုပြီး
အထူးကုဆရာဝန်မကြီးဆီကို လွှတ်လိုက် ပါတယ်။
ဆရာဝန်မကြီးဆီရောက်
တော့ ဆေးရုံတက်ပါဆိုပြီး အဲဒီနေ့မှာပဲ ကျွန်တော့် ကို
ဆေးရုံတင်လိုက်ပါတော့တယ်။
ဆရာဝန်မ ကြီးနဲ့ ဆရာမတွေလဲ အစွမ်းကုန်
ကုသကြပါ
တယ်။ နှလုံး သိပ်မကောင်းဘူးလို့ ပြောပါတယ်။
ကျွန်တော်
နည်းနည်းသက်သာတာနဲ့ ပြန်ဆင်းလာခဲ့တယ်။ ၂၀၁၁ မှာ မသင်္ကာ
လို့
ဆေးရုံ တစ်ခါ ပြန်တက်ရတယ်။ ဒီတစ်ကြိမ်မှာ စစ်ကြည့်တော့မှ (C)
positive
တဲ့။ ကျွန်တော် ဒီလောက်ကြာ အောင် ဒုက္ခဖြစ်ပြီး ခံစားနေ ခဲ့ရတာက
ဘီပိုးနဲ့
စီပိုးကို မစစ်ခဲ့ရလို့ပါပဲ။
ကျွန်တော် အကြံပေးပါရစေ။ ဘာမှမဖြစ်သေးလဲ ဘီပိုးနဲ့ စီပိုးကိုတော့ စစ်ဖို့
လုံးဝမမေ့ပါနဲ့၊
မပျင်းပါ နဲ့၊ မကြောက် ပါနဲ့။ မေ့လိုက် ပျင်းလိုက်
ကြောက်လိုက်မိရင်
မဖြစ်ရင်တော့ ကောင်းတာပေါ့။ ဖြစ် လိုက်လို့ ကတော့
ငွေကုန်မယ်၊
လူနာမယ်၊ ကံဆိုးရင် အသက်ပါပေးလိုက်ရလိမ့်မည်။ ဘီပိုးက ကာ
ကွယ်ဆေး
ထိုးလို့ရပါတယ်။ ထိုးဖြစ်အောင် ထိုးပါ။ စီပိုးကတော့ အနေအထိုင်နဲ့
ကာကွယ်ရမှာပါ။
ကျွန်တော့်မှာ (C) Positive ဆိုတော့ ကြောက်သွားတာပေါ့။ စိတ်ဓာတ်လဲ
ကျသွားတယ်။
မကြာခင် ပဲ သေတော့မယ် လို့ထင်တာပေါ့။ ကြောက်တော့
လူတကာလျှောက်မေးဖြစ်တာပေါ့။
အဲဒီမှာ အသည်း ဆိုတာ
အသည်းအထူးကုနဲ့ပဲ
ကုသင့်တယ်ဆိုလို့ အသည်းအထူးကုရှိတဲ့ နောက်ဆေးရုံ
တစ်ရုံ
ကို ပြေးခဲ့ရပါတော့တယ်။
ကျွန်တော့်မှာ
ဒုတိယဆေးရုံကိုရောက်တော့ အထူးကုဆရာဝန်ကြီးက
ဆေးရုံတက်စရာမလိုဘူး။
ပိုးသတ်ဆေး (အင်တာဖရွန်) ထိုးမယ်
အသည်းအားဆေး
စားထားဆိုပြီး ဆေးတွေပေးပါတယ်။ နောက် (၁၀) ရက်
ခွာချိန်းပြီး
ပြန်လွှတ်လိုက်တယ်။ သူငယ်ချင်း D Bio နဲ့ Eco အောင်ကြီးတို့ မိတ်
ဆက်ပေးလို့လား
မသိဘူး။ အတော် ဆက်ဆံရေးကောင်းတာပဲ။
တစ်လလောက်ကြာတော့မှ
စထိုး ပါပြီဗျာ။ ပိုးသတ်ဆေး (အင်တာဖရွန်)။
အပြောများသလောက်
အခံရမဆိုးပါလားလို့ ထင်ပြီး အေး အေးဆေးဆေး ဘဲ
ပြန်လာခဲ့တယ်။
တစ်ပတ်ကို တစ်လုံးထိုးရမှာတဲ့။ တစ်လုံး နှစ်လုံးခံနိုင်ပါသေး
တယ်။
ညအိပ်မရတာနဲ့ အစားမစားချင် တာကတော့ ဆိုးတယ်။ သုံးလုံးမှာ
မခံနိုင်တော့ဘူး။
လေး လုံးထိုးမဲ့နေ့မှာ ခန္ဓာကိုယ်အပြင် စိတ်ပါ မခံနိုင်တော့လို့
ကျွန်တော်စိတ်ကို
မထိန်းလိုက်နိုင်ဘဲ ကြောင်ပြီး ကယောင်ချောက် ချားတွေ
လျှောက်ပြောပါတော့တယ်။
အဲဒီနေ့မှာဘဲ ဆေးရုံကိုရောက် တော့ ဆရာဝန်ကြီး
ကို
ပြောပြလိုက်တာ ဆေးရုံတက်ခိုင်းပြီး ကျွန်တော့်ကို ဆရာဝန်ကြီး လာကို
မကြည့်တော့တာ
ပါဘဲ။ နှစ်ရက်လောက်နေတော့ ကျွန်တော့်မိသားစုကိုခေါ်ပြီး
ကုလို့မရနိုင်တော့
ဘူး။ ဒီတောင် က ကျော်နိုင် မှာ မဟုတ်တော့ဘူး။
အသည်းခြောက်တာလွန်နေပြီလို့
ပြောပါတော့ တယ်။ ကျွန်တော့် အသည်း
မာသွားခဲ့ပြီပေါ့။
နောက်တစ်ရက်
သွင်းနေတဲ့ဆေးတွေ အကုန်ရပ် အိမ် ကို
ပြန်လာခဲ့ကြရပါတယ်။
ကျွန်တော်ကတော့ ဘာမှ မသိဘူး။ အိမ်ရောက်တော့
လူနာလာမေးတဲ့
သူတွေကတော့ များတယ်လို့တော့ ထင်သား။ အဲဒီထဲ မှာ
နှစ်ယောက်ရဲ့စကားတွေက
သိသင့်နေပြီ။ ပထဝီဦးကိုကို က ငါ့ညီ
မင်းတာဝန်ကျေခဲ့ပါတယ်ကွာတဲ့။
လက်ကို ဆွဲပြီး နှုတ်ဆက်တယ်။ နောက်
တစ်ယောက်က
အစ်မ ဒေါ်ခင်ဌေး (အရှေ့တိုင်းဇာတ်) ငါ့မောင် သြစတြေးလျ
မှာ
ဆရာတော်ဟော တဲ့ ခွေလေးဖွင့်ပြီး တရားလေးမှတ်နေပါတဲ့။ သူတို့
ကျွန်တော့်ကို
သတ်မှတ် လိုက်ကြပြီပေါ့။
အဲဒီအချိန်မှာ ကိုချစ်စရာ (လူရွှင်တော်)က ထိုင်းကိုသွားဖို့ အကြံပေးချိန်
မိသားစုကလည်း
ထိုင်းမှာ ကုဖို့ အားသန်ကြတော့ ကျွန်တော်
ဘန်ကောက်ဆေးရုံကြီးကို ကျွန်တော့်အမျိုးသမီးနဲ့
တပည့် ခင်မောင်တင့်တို့
အကူအညီ
နဲ့ ရောက်ခဲ့ရပါတယ်။ ကျွန်တော် သူတစ်ပါးတိုင်းပြည်ကို ရောက်လို့
ပြင်ပအသွင်သဏ္ဍာန်တွေ
တိုးတက် လွန်းတော့ ကုသရေးမှာ အားကိုးမိတာ
ဝန်ခံပါတယ်။
ဒါပေမယ့် ကျွန်တော့်ကို မြန်မာနိုင်ငံက ဆရာဝန်ကြီး များ
ပေးတဲ့ဆေး
ဆက်သောက်ပါတဲ့။ အသည်းလဲဖို့ လိုသလားလို့မေးတော့
အသည်းသာ
A, B, C အဆင့်တွေ ရှိတဲ့အထဲမှာ B နဲ့ C ကြားအဆင့်မှာ
ရောက်နေပါတယ်တဲ့။
အခုမလဲပါနဲ့အုံး လိုအပ်လို့ လဲရင် လည်း
ထိုင်းကိုမလာခဲ့ပါနဲ့
အဲဒီမှာက ထိုင်း လူမျိုးခြင်းသာ ဖလှယ်ပေးတာပါတဲ့ဗျာ။
ကျွန်တော်
ဘာမှ မလုပ်ရဘဲ စစ်ဆေးရုံနဲ့ ဘဲ အောင်မြင်စွာ
ပြည်တော်ပြန်ခဲ့ရပါတယ်။
ကျွန်တော်
ဘာလုပ်ရမှန်းမသိဘဲ အိမ်မှာ အသည်းအားဆေးလေးစားပြီး
နားနေတုန်း
တွေ့ပါပြီ။ အသည်းရောဂါ အကြောင်း စာအုပ်တွေရေးနေလို့
လူသိများနေတဲ့
သူငယ်ချင်း အသည်းဆရာဝန်။ သူငယ်ချင်း မှ
ငယ်သူငယ်ချင်းဗျ။
ဒေသကောလိပ်မှာ တစ်နှစ်ထဲ အတူတက်ခဲ့တာ။
အားရှိသွားတာ
ပေါ့။
သူငယ်ချင်း ကိုယ် ကုပေးပါမယ်ဆိုပြီး တစ်လလောက်ကုလိုက်တာ
တစ်နေ့မှာတော့
သူငယ်ချင်း မပြောရင် လည်း ကိုယ့်အပြစ်ဖြစ်မှာစိုးလို့ မင်းကို
ကုလို့မရနိုင်တော့ဘူးလို့
ပြောချင်တာ ကြားလိုက် ရပါတယ်။ အသည်း
လဲလိုက်ရင်တော့
ရနိုင်သေးတယ်တဲ့။ ကျွန်တော် စိတ်တင်းပြီးတော့ ငါ ဘယ်
လောက်နေ
ရအုံးမလဲကွာလို့ မေးတော့ ဒါလည်း မပြောနိုင်ဘူး။ မင်း အခု
သွေးအံရင်
အခုသွား တော့မှာတဲ့ ကျွန်တော် ဘာမှ မသိတော့ပါ။
ကျွန်တော်အိမ်ကို
ဘယ်လိုပြန်ရောက်မှန်း မသိလိုက် တော့ပါ။ အဲဒီအချိန်ကစပြီး
အိပ်ယာပေါ်
မှာ အချိန်ပြည့် စိတ်ဖိစီးမှုနဲ့အတူ နေရပါတော့တယ်။
ကျွန်တော့်စိတ်ထဲမှာ
ဘဝကို ဘယ်လို ကူးမလဲ ဆိုတာကလွဲလို့
ဘာမှမရှိတော့ပါ။
အိန္ဒိယက (Apolo) ဆေးရုံက Mr. ဂုတ်တား ဆိုတဲ့
ဆရာဝန်ကြီး
လာလို့ တစ်ခါပြလိုက်ပါသေးတယ်။ အသည်း ကို ရက်ပိုင်းအတွင်း
အမြန်ဆုံး
လဲပါတဲ့။ (CT) ရိုက်ကြည့် လိုက်တော့ "Cirrhosis of Liver Portal
Hypertension"
တဲ့ အသည်းခြောက်လို့ Portal Vein ဆိုတဲ့ အသည်း
ကိုသွားတဲ့
အကြောကြီးပိတ် ပြီးတော့ ရောင်နေပါပြီ။
ကျွန်တော်
ဘာလုပ်ရမလဲ မသိတော့ပါ။ ကျွန်တော့်အိမ်က မိသားစုလည်း
ငွေကုန်၊
လူပန်း၊ ဘာလုပ်ရမှန်း မသိကြတော့ ပါ။ ဒါပေမယ့် သူတို့စေတနာ၊
သူတို့မေတ္တာက
အိန္ဒိယကိုသွားပြီး အသည်းလဲပေး ချင်သေးတယ်။ ဒါပေမဲ့
အဲဒီလုပ်ငန်းက
သိန်းတစ်ထောင်လောက်ကုန်မယ်၊ အောင် မြင်ရင်
ကောင်းတယ်၊
မအောင်မြင် ရင် နစ်နာမှုတွေ များလိမ့်မယ်။ ဒါပေမယ့်
လုပ်မှာပဲဆိုပြီး
အသည်းအလှူခံတဲ့ စာရွက်တွေ လိုက်ကပ်ပါတော့တယ်။
ကျွန်တော့်ကို
အကူအညီပေးစောင့် ရှောက်ဖို့ ညီမ ဘေဘီ၊ အစ်မကြီး မဒေါ်လီနဲ့
တပည့်
ကိုကျော်မြ တို့ ရန်ကုန်ကို နိုင်ငံကူးလက်မှတ် လုပ်ဖို့ သွားကြပါပြီ။ ကံ
အလွန်ကောင်းပါတယ်။
အသည်း အလှူရှင် (၁၀) ယောက်ထဲက ရမဲ့သူ
ဆေးစစ်တာ
ငါးယောက်တောင်ရတယ်။ ကျွန်တော့်မိန်းမ နန်းငွေကြည်
ကလည်း
မထိန်းနိုင်အောင် ပျာယာခတ်ပြီး ဗေဒင်ဆရာတွေဆီ
သွားနေရရှာသည်။
ကျွန်တော့်
ကျန်းမာရေးကတော့ တော်တော်ဆိုးလာပါတယ်။
ကျွန်တော့်မျက်နှာတွေဟာ
မဲပြီး အကွက်တွေဖြစ်လာပါပြီ။
အရေပြားတွေကလည်း
ငါးတွေရဲ့ အကြေးခွံတွေ လို ဖြစ် လာပါပြီ။ ခြေ
ထောက်တွေ
က လည်း ရောင်လိုက်တာ၊ ဆင်ခြေထောက်
ရောဂါသည်တွေအတိုင်းပဲ။
စကား လည်း ကောင်းကောင်း မပြောနိုင်တော့ပါ။
ကျွန်တော်
လုပ်နိုင်တာလေးကတော့ ကျွန်တော် ဖုန်းလေးထဲ မှာ ဘောဇဉ်သုတ်
ကို
ထည့်ပြီး မပြတ်တမ်း ဖွင့်နေတော့တာပါပဲ။
အဲဒီအချိန်မှာ ကျွန်တော့်ကို အချိန်ပြည့် စောင့်ရှောက်နေတဲ့
ဦးသိန်းဆောင်ရဲ့အစီအစဉ်နဲ့
ဦးစောဝင်းထွန်း တို့ ညလုံးပေါက်ပရိတ်တွေ
လာရွတ်ပေးနေကြပါပြီ။
နောက်နေ့မနက်မှာ ရန်ကုန်က ပြန် လာတဲ့ မဒေါ်လီရဲ့
တိုက်တွန်းချက်နဲ့
ကျောက်ဆည်နားက တမုတ်ရွှေဂူကြီးဘုရားကို ကျွန်တော်
အိပ်ပြီး
လိုက်သွားပါတယ်။ ဟိုရောက်တော့ ဘုရားဆင်းတုတော်ရဲ့ရှေ့မှာ
နံရံကိုမှီပြီး
"တပည့် တော် ဒီနိုင်ငံမှာပဲ ကျန်းမာရေးနဲ့ ပတ်သက် လို့
အဆင်ပြေပါရစေ
ဘုရား" လို့ နှုတ်က အသံထွက် လျှောက်ပြီး
အာရုံနေလိုက်ပါတယ်။
ပြီးတော့ အိမ်ပြန် လာခဲ့ကြပါတယ်။
အဲဒီနေ့မှာပဲ
လွန်ခဲ့တဲ့ နှစ် (၃၀) လောက်က စာသင်ပေးခဲ့ဘူးတဲ့ ယခု မိုးကောင်း
တိုက်
မြစိမ်း ကျောင်း ဆရာတော်က ဒကာကြီး နေမကောင်းဘူးကြားလို့
လာကြည့်ချင်တယ်လို့
ဖုန်းလှမ်းဆက်ပါ တယ်။ ကားလွှတ်ပေးပါမယ် ဘုရားလို့
လျှောက်တော့
ကားမလိုဘူး ကိုယ့်ဟာကိုယ် လာမယ် ဆိုပြီး
ရောက်လာပါတယ်။ဆရာတော်
ကျွန်တော့်ကိုမြင်တော့
အတော်စိတ်မကောင်းစွာနဲ့
မဖြစ်သေးပါ ဘူး အားမလျှော့ နဲ့ ကျုပ်
စီစဉ်မယ်ဆိုပြီး
ကျွန်တော် တစ်ခါမှ မကြားဘူး၊ တစ်ခါမှ မသိဘူး။ တစ်ခါမှ
မကြား
ဘူးသော ဒေါက်တာအောင်မင်း ဆိုသော ဆရာကို မန္တလေးအမြန်လာရန်
ရန်ကုန်သို့
ဖုန်းနဲ့ ဆက်၍ ခေါ်ပါတော့တယ်။
ကျွန်တော့်ထံသို့
ဆရာ နောက်တစ်ရက်မှာ ဆရာတော်နဲ့အတူ
ရောက်လာပါတယ်။
ဆရာပုံက ဆရာဝန် နဲ့လည်း မတူဘူး။ အတော်ရိုးတယ်။
လက်ကောက်ဝတ်မှာ
စိတ်ပုတီးလေးပတ်ထားတယ်။ ကန်တော့နော်
တောကျောင်းဆရာလေး
အတိုင်းပဲ ရောက်တာနဲ့ ကျွန်တော့်
သွေးစစ်ထားတာတွေ
(CT) ရိုက်ထားတာတွေ ကို အကုန်ယူကြည့်၊
စာရွက်ပေါ်မှာ
(Graph) တွေဆွဲနဲ့ တော်တော်လေး ကြာတော့ ကျွန်တော့် ကို
ဆရာဒေါက်တာအောင်မင်း
က ဆရာလို့ ပြန်ခေါ်ပါတယ်။ သူ ပြောတာက
ဆရာမပူနဲ့
ဘာမှမဖြစ်စေရဘူး။ အိန္ဒိယမှာလည်း အသည်းသွားမလဲနဲ့ ကျွန်တော်
ဆရာ့ကို
ကုမယ် ငါးရက်နေရင် ဆရာ သိသာမယ် (၁၀) ရက်နေရင်
ဘေးလူတွေပါသိမယ်။
တစ်လပြည့်ရင် သွေး ပြန်စစ်ကြည့်လိုက်ပါတဲ့ဗျာ။
ကျွန်တော် ထခုန်ချင်လောက်အောင်ကို ဝမ်းသာသွားခဲ့တာပေါ့။
သိန်းတစ်ထောင်လောက်
အကုန်ခံ အိန္ဒိယ သွား၊ အသည်းလဲ အောင်မြင်၊
မအောင်မြင်
ဘာမှန်းမသိဘဲ သေတော့မဲ့ဆဲဆဲ ဖြစ်နေတာ ဝမ်းမသာဘဲ
နေပါ့မလား။
ကျွန်တော်က အတွန့်တက်ပြီး ကျွန်တော်မသေဖို့
ဆရာတာဝန်ယူရဲလား
လို့မေးတော့ ရယ်ပြီး ကျွန်တော် အာမခံပါတယ်ဗျာတဲ့။
ကျွန်တော်
လူကြီးတွေပြောခဲ့တဲ့ အပျော်ဆုံး နေ့ သုံးနေ့ကို ကျော်ဖြတ်ဖူးပါတယ်။
အဲဒီနေ့ကတော့
ဟိုသုံးနေ့ ထက် ပိုမယ်လို့ထင်ပါတယ်။ ကျွန်တော့်ကို ဆရာ
ဆေးစထိုးပါတယ်။
တစ်လုံးပဲ သူကိုယ်တိုင် ထိုးတာ ကျန်တာ ကို ကျွန်တော့်
တူမ
ဆရာမအေးဝင်းသန်း ကိုခေါ်ပြီး ထိုးခိုင်းတာ။ မနက်တစ်လုံး၊ ညတစ်လုံး၊
လက်မောင်း
မှာ ထိုးတာ (၅) ရက်ပြည့်တဲ့နေ့မှာ ကျွန်တော့်ခြံဝင်းထဲ ကျွန်တော်
လမ်းလျှောက်နေပါပြီ။
(၁၀) ရက် ပြည့်တဲ့နေ့ မှာ ကျွန်တော်မြို့ထဲမှာ
ကိုယ်တိုင်မောင်းပြီး
ကားနဲ့လျှောက်သွားနေတာကို သိလူတိုင်း အံ့သြ တဲ့
အကြည့်နဲ့
ကြည့်နေကြပါပြီ။ (၂) လပြည့်တော့ ကျွန်တော့်ကို
တစ်ရက်နှစ်လုံးထိုးရာက
နေ တစ်ရက် တစ်လုံးလျှော့လိုက်ပါတယ်။
သွေးပြန်စစ်ခိုင်းပါတယ်။
သွေးပြန်စစ်ခိုင်းပါတယ်။ (Ultra-sound)
ပြန်ရိုက်ခိုင်းပါတယ်။
(Ultra-sound) မှာ အသည်းခြောက်တာလည်း မတွေ့ရ
တော့ပါဘူး။
(Portal Vein) လည်း ပိတ်ပြီး (21 mm dilated)
ရောင်နေရာကနေ
(14 mm dilated) ဆိုပြီး ရောင်တာ လျော့သွားပါတယ်။
WBC
(ဒဗလျူဘီစီ)၊ HGB (အိပ်ခ်ျဂျီဘီ)၊ PLT (ပလိပ်လက်) နဲ့ Albumin
(အယ်ဗျူမင်)
တွေ အားလုံးလည်း (Normal) ဆိုပြီး သွေးအဖြေတွေ ထွက်လာ
ခဲ့ပါပြီ။
သွေးအဖြေ မှာလည်း ပြန်ကောင်းသွားပါပြီ။ ကျွန်တော့်အတန်းတွေမှာ
လည်း
ပုံမှန် စာပြန်သင်နေပါပြီ။ မာခဲ့တဲ့ အသည်းကြီးလည်း ပြန်ပျော့ပြီး
သွေးကျောလည်း
ပုံမှန်ပွင့်ပြီး ဘယ်ခြေ ထောက်မှာလည်း မရောင်တော့ ပါဗျာ။
ကျွန်တော်
အံ့သြလွန်းလို့ ဆရာ ဘယ်လိုကုတာလဲလို့ မေးကြည့်တော့
ညီအစ်ကိုလိုဖြစ်နေတဲ့
ဆရာက (Cell Therapy) ဆဲလ် ကုထုံး နဲ့ ကုတာပါတဲ့။
ပျက်နေတဲ့
အသဲ (Cell) တွေကို ဖယ်ထုတ် ပြီး (Cell) အကောင်းတွေ အသစ်
ဖန်တီးတာလို့
ပြောပါတယ်။ အသစ်ဖန်တီးတဲ့ နေရာမှာ ကလေး အချင်းကို
သုံးပြီးဖော်ထား
တဲ့ ဆေးကို သုံးကြောင်း (WHO) က
အသိအမှတ်ပြုတဲ့ဆေးဖြစ်ကြောင်း
ကလေးတစ်ယောက် ကို မိခင်ရဲ့ဝမ်းတွင်းမှာ
(၉)
လ (၁၀) လ ကာကွယ်စောင့်ရှောက်နိုင်သော အချင်းရဲ့ တန်ဖိုးကြီးကြောင်း၊
ဆေး
ရဲ့အမည်ကိုက (LAENNEC) ဖြစ်ကြောင်း ရှင်းပြပါတော့တယ်။ ကျွန်တော်
အလွန်ပဲ
အံ့သြကျေးဇူးတင် မိနေပါတယ်။
ကျွန်တော် ကျေးဇူးတင်လွန်းလို့ တစ်ကြိမ်မှာလည်း မကန်တော့ရသေးလို့ ဆရာ
ဒေါက်တာအောင်
မင်းကို ကန်တော့ ပါရစေလို့ ပြောတော့ ဆရာက
ကျွန်တော့်ကို
ငှက်ပျောသီးနဲ့ အုန်းသီး သွားဝယ် လိုက်ပါတဲ့။ အံ့ရော ဗျာ။
ဆရာဟာ
ကျွန်တော် ဘယ်လိုမှမထင်မှတ်ပါသော နောက်ထပ်ဘယ်လိုမှ တူတာ
မရှိနိုင်တော့
ပါသော ကျွန်တော့်ကျေးဇူးရှင် အသက်သခင်ပါဘဲဗျာ။
ကျွန်တော့်လိုပဲ လူသားတိုင်း ဘုရားတန်ခိုး၊ တရားတန်ခိုး၊ သံဃာတန်ခိုးကြောင့်
အစွမ်းထက်သော
ဆရာများ၊ ဆေးဝါးများ တွေ့ကြပါစေလို့ ဆန္ဒပြုလိုက်ပါတယ်။
"ဘီပိုး
စီပိုးကြောင့် သေတတ်သလား။"
(B)
ပိုးတွေ့ရင် သေတတ်လား။ (C) ပိုးတွေ့ရင် သေတတ်လား။
လူနာတော်တော်များများ၊
မျက်နှာ ငယ်လေးတွေနဲ့ အားကိုးတကြီး မေးတာကို
တွေ့ဖူးကြားဖူးခဲ့ပါတယ်။
ကျွန်တော် ရဲရဲတင်းတင်းဖြေပါ့မယ်။ (B) ပိုးတွေ့လို့လည်း မသေနိုင်ပါဘူး။ (C)
ပိုးတွေ့လို့လည်း
မသေနိုင် ပါဘူး။ မင်းက ဆရာဝန်လားလို့ မေးခဲ့ရင် ကျွန်တော်
ဆရာဝန်
မဟုတ်ပါဘူး။ ဒါပေမယ့် ဒီရောဂါ ကို နှစ်အတော်ကြာ
ကိုယ်တိုင်ခံစားပြီး
အတွေ့အကြုံပေါင်းများစွာနဲ့ အခြိမ်းအခြောက်ခံ လက်တည့်
အစမ်းခံပြီး
ဆရာဝန်ကြီးအချို့ထံက ဆေးဖိုးရော ဝါးခပါ အကုန်အကျခံပြီး
သင်ယူလေ့
လာခဲ့ရတာပါ။
ကျွန်တော်
သိသလောက်ကတော့ ပထမအဆင့် (B) ပိုး၊ (C) ပိုးတွေ့ရုံနဲ့
ဘာမှမဖြစ်နိုင်သေးပါဘူး။
ဒုတိယအဆင့် နှစ်အနည်းငယ်ကြာလာမှ
အသည်းလုပ်ဆောင်ချက်တွေ
စပျက်ပြီး အသည်းအနည်း
ငယ်ခြောက်လာတာပါ။
ဘာမှမဖြစ်နိုင်သေးပါ။ အဲဒီနောက် တတိယအဆင့်မှာ
အသည်းခြောက်
တာ ပိုဆိုးလာတာပေါ့။ အဲဒီနောက် (Portal vein) လို
သွေးကြောတွေ
စပိတ်ပြီး ခြေထောက် စ ရောင်လာတယ်။ စတုတ္ထအဆင့်မှာမှ
အသည်းကင်ဆာရောဂါ
စဖြစ်လာတာ နောက်ဆုံး ပဉ္စမဆင့် မှာတော့
ကင်ဆာဆဲလ်တွေ
ပျံ့ကုန်တယ်လို့ သိထားရတာ။ စတုတ္ထအဆင့်လောက်ထိ
ကုလို့နိုင်ပါ
တယ်။
ဒါကြောင့်
ကျွန်တော်တို့ ဘာလုပ်သင့်သလဲဆိုရင် ဘာမှမဖြစ်သေးလည်း (B)
ပိုးနဲ့
(C) ကို စစ်သင့် တယ်။ များသောအားဖြင့်က မစစ်ဘဲ ထားကြတာ
အခြားတစ်ခုခုဖြစ်လို့
စစ်မှသိတော့ နည်းနည်း လွန်ကုန်တယ်။ ကုရတာ
ခက်တာပေါ့။
အဲဒီ ပထမအဆင့် (B) နဲ့ (C) ပိုးတွေ့ရုံကတော့ ဘာမှမကြောက်နဲ့ (interferon)
အဲဒီ ပထမအဆင့် (B) နဲ့ (C) ပိုးတွေ့ရုံကတော့ ဘာမှမကြောက်နဲ့ (interferon)
ဆိုတဲ့
ပိုးသတ် ဆေးထိုးလည်း ရတယ်။ အသည်းမပျက်သေးတော့ ခံနိုင်တယ်။
အခြားပိုးသတ်ဆေးတွေလည်း
ပေါ်ကုန်ပြီ။
ဒုတိယအဆင့် ပိုးတွေ့လို့၊ အသည်းနည်းနည်း ခြောက်လာရင် မကြောက်နဲ့
ဘာမှမဖြစ်ဘူး။
အသည်း လုပ်ဆောင်ချက် (LFT) မမှန်ရင်တော့ (interferon)
သွားမထိုးနဲ့
မခံနိုင်ဖြစ်တတ်တယ်။ အသက် ဆုံးရှုံးကြတာ ဟာ မှားပြီး
ပိုးသတ်နေကြလို့
သေကုန်ကြတာ။ အရင်ဆုံး အသည်းကို ကောင်းအောင်
ပြင်ဆင်ပါ။
ကျွန်တော် လက်တွေ့ ကတော့ (LAENNEC) ဆိုတဲ့ ဆေးဟာ
အသည်း
လုပ်ဆောင် ချက်ကောင်းအောင် ဆောက်ရွက်တဲ့ ဆေးထဲမှာ
သူ့ကိုမှီတဲ့ဆေး
မတွေ့ဘူးသေးဘူး။ အဲဒီဆေးထိုးကာ (LFT) အကုန်
ပုံမှန်ပြန်ဖြစ်တာ
ကျွန်တော်ကိုယ်တိုင် အပါအဝင် လူငါးဆယ် ကျော် ကိုယ်တွေ့
ပါပဲ။
ဒီအချိန် မှာတော့ လူနာဘက်က ဂရုစိုက်နေရပြီး ဝမ်းလုံးဝအချုပ်မခံနဲ့။ ဖျား
ရင်လည်း
(paracetamol) ပါရာစီတမော ပါဝင်တဲ့ အုပ်စု ဘယ်ဆေး မှ မသုံးနဲ့။
ပရုပ်ပါတဲ့
ရှူဆေး လိမ်ဆေးတွေကို မသုံးနဲ့။ အံ့သြစရာကတော့ ကြက်သွန်ဖြူ
အစိမ်း
မစား ရပါဘူး။ ပဲကြီး ပဲကျား မစားရပါဘူး။ (Alvolac) ဆိုတဲ့
ဝမ်းနှုတ်ဆေးကလွဲလို့
ဘယ်ဝမ်းနှုတ်ဆေးမှ မစားရပါဘူးဗျာ။ ဒီအချိန်မှာ
မောလာတတ်ပါတယ်။
ခြေထောက်တွေ စရောင်လာ တတ်ပါတယ်။
အသည်းပုံမှန်
ပြန်ဖြစ်လာပြီ ဆိုမှ ပိုးကိုသတ်ပါ။ ကိုယ်ကြိုက်တဲ့နည်းနဲ့ သတ်ပါ။
ပန်းဝတ်မှုံနဲ့လည်း
ပိုးကောင် အရေအတွက် လျှော့ချတတ်ပါတယ်။
နောက်တစ်ချက်က
ကိုယ့်ကိုကိုယ် အနားယူခြင်း ဟာ အကောင်း ဆုံးသော
အသည်းကုသခြင်းလို့
သိပြီး တတ်နိုင်သမျှ လှုပ်ရှားမှု နည်းအောင်နေပါ။
ဆိုင်ကယ်မစီးပါနဲ့။
ခါးလေ့ကျင့် ခန်း မလုပ်ပါနဲ့။ ပက်လက်ကုလားထိုင်မှာ
မထိုင်ကြပါနဲ့။
ဒီအခြေ အနေမှာ သတိနဲ့နေရင် ဘာမှ စိုးရိမ်စရာ မလိုသေးပါဘူး။
တတိယ အဆင့် အသည်းပိုခြောက်လာရင်လည်း (B) ပိုး (C) ပိုးကို
အဓိကမထားပါနဲ့။
အသည်းကို အဓိက ထားပြီး ပြင်ရပါတယ်။ အဲဒီ
အဆင့်ရောက်ရင်တော့
နည်းနည်းစိုးရိမ်ရပါတယ်။ လစဉ် (Ultra Sound)
ရိုက်ပါ။
(Alphafetoprotein) ကို စစ်ပေးပါ။ ကင်ဆာရောဂါဘက်ကို ကူးမှာ
စိုးရိမ်
ရလို့ပါ။
(Ultra
Sound) မှာ အစက်အပျောက်ပေါ်ရင် သို့မဟုတ် (Alphafetoprotein)
တက်လာရင်
ဆရာ ဝန်နဲ့ အမြန် တိုင်ပင်ပါ လိုအပ်သလို ကုယူပါ။ (LAENNEC)
ဆိုတဲ့ဆေးကတော့
ကင်ဆာစတဲ့ အဆင့်လောက် အထိကတော့
ကုလို့ရတာတွေ့ရပါတယ်။
ဒီအချိန်ကတော့ အရေးကြီးဆုံး အချိန်လို့
ပြောရလိမ့်မယ်။
(LFT) ကိုလည်း မကြာမကြာစစ်ပြီး လိုအပ်တာလေးတွေကို
ဆရာဝန်နဲ့
ကုသရင် မသေနိုင်ပါဘူးဗျာ။
ဒီနေရာမှာ
ဆရာဝန်တွေလို တတ်စရာမလိုပေမယ့် ကိုယ်တိုင် နည်းနည်းတော့
သိထားသင့်
တာ လေးတွေက (WBC) ဆိုတာ သွေးဖြူဥကို ပြောတာပါ။ (WBC)
ကျလာတယ်ဆိုရင်
သွေးဖြူဥနည်း သွားတာပါ။ (H.G.B) ဆိုတာ
ဟောမိုကလိုဘင်
သွေးအနီရောင်ကို ညွှန်းတာပါ။ သူနည်းရင် သွေး
သွင်းရပါလိမ့်မယ်။
(PLT) ပလိပ်လက်ဆိုတာက သွေးထွက်မှုကို တားဆီးပေးတဲ့
သွေးဆဲလ်တစ်
မျိုးကို ပြောတာပါ။ ပလိပ်လက်တွေ တအားကျလာရင်
သွေးအန်တတ်ပါတယ်။
(Albumin) အယ်(လ်)ဗျူမင်ဆိုတာက အသည်းမှသာ ထုတ်ပေးသော မရှိမဖြစ်
လိုအပ်တဲ့
ပရိုတင်း ဓာတ်ပါ။ အယ်(လ်)ဗျူမင်ကိုတော့ အလွန်မကျအောင်
ဆေးသွင်းပေးလို့ရပါတယ်။
(Bilirubin) ဘီလီရူဘင်ဆိုတာ အဝါရောင်ဓာတ်ကို
ခေါ်တာပါ။
ဆီးနဲ့ ဝမ်းတွေက စွန့်ထုတ်ပေးတတ်ပါတယ်။ အင်ဇိုင် (AST) (ALT)
တွေ
အထွက်များရင်လည်း အသည်းဆဲလ်တွေ အပျက်များနေတာပါ။ ဂရု
စိုက်ရမှာက
အင်ဇိုင်းတွေ သွေးတွင်းမတတ်ရင်လည်း ပျက်စရာ
အသည်းဆဲလ်မရှိတော့လို့
ဖြစ် တတ်တာလည်း သိထားရပါမယ်။
(Alphafetoprotein)
ဆိုတာ ကင်ဆာဖြစ်ရင် ထွက်လာတတ်တဲ့ (protein)
အသားဓာတ်ကို
မထိန်းနိုင်ဘဲ ဝမ်းဗိုက် အတွင်းမှာ (Free Fluid)
အသုံးမကျသော
အရည်တွေများလာပြီး ဗိုက် ဖောင်းလာတတ်ပါတယ်။ အဲဒါကို
ရေဖျင်း
စွဲတယ်လို့ ခေါ်ကြတာပါ။ အသည်းဟာ ကျောက်ကပ်နဲ့ လည်း
ဆက်နေတာမို့
(Creatinine) ခရစ်တနင်း ကိုလည်း မကြာ မကြာ စစ်ပေးပါ။
အသည်းဝေဒနာရှင်မှန်ရင် ရှောင်ရန်ကတော့ ရှိတယ်နော်။ ဆရာကိုယ်တိုင်
ကျွန်တော့်ကို
တားမြစ် ထားတာတွေကတော့
(၁)
အဆီ
ဝက်သား၊ ဘဲသား၊ အုန်းနို့၊ ဒန်ပေါက်၊ ထောပတ်၊ မလိုင်၊ ရေခဲမုန့်၊ စားအုန်းဆီ၊
အမဲသား၊
ကျွဲသား၊ ဝမ်းတွင်းသား၊ ပြည်ကြီးငါး၊ ကြက်ဥ၊ ဘဲဥ၊ ငုံးဥ၊ အနှစ်များ၊
ကြက်အရေခွံ
(၂) အစပ်
ငြုပ်သီးမှုန့်၊ အစပ်လွန်ကဲ၊ ကြက်သွန်ဖြူစိမ်း
(၃) ငြုပ်ဆီ၊ အရောင်တင်မှုန့်၊ အရောင်ပါသောကိတ်မုန့်၊ ရေခဲမုန့်၊ ဖျော်ရည်
(၄) အသားခြောက်
ငါးပိ၊ ငါးခြောက်၊ ဂျီသား၊ ဆတ်သားခြောက်၊ အမဲခြောက်၊ ကြက်အူချောင်း၊
ဝက်အူချောင်း
(၅) အသင့်စားနိုင်အောင် လုပ်ထားသော အစာများ
(၅) အသင့်စားနိုင်အောင် လုပ်ထားသော အစာများ
ကော်ဖီမစ်၊ ကွေကာ၊ ခေါက်ဆွဲ၊ ကြာဇံသုပ်၊ အသားဗူးမျိုးစုံ၊ အချိုမှုန့်၊
အချိုရည်ဗူး၊
အအေးပုလင်း
(၆) မှိုတတ်နေသော အစား
ဆန်ဟောင်း၊ ပေါင်မုန့်၊ ပလပစတစ်ဖြင့် ထုတ်ထားသော ယိုမျိုးစုံ
(၇) အလွန်ပူသော / အေးသော အစာ
အလွယ်တကူ မသောက်နိုင်သော ဟင်းရည်ပူ သောက်လျှင်
ခေါင်းကိုက်အောင်အေးသော အအေးပုလင်းများ
(၈) ပရုပ်ပါသော ရှူဆေး၊ လိမ်းဆေး၊ အနံ့ခဲများ
(၉) ပလက် ကုလားထိုင် မထိုင်ရ
(၁၀) ခါးကြော၊ ဗိုက် အနှိပ်အနင်းမခံရ
(၁၁) Paracetamol (ပါရာစီတမော)
(၁၂) ပဲကြီး၊ ပဲကျား
(၁၃) သံပုရာ၊ ရှောက်၊ ဂရိတ်ဖုရု
(၁၄) ဆရာဝန်ညွှန်ကြားမှု မဟုတ်သော အားဆေးများ၊ သောက်ခြင်းတို့ဟာ
အသည်းရောဂါ
ရှိနေ သရွေ့ ရှောင်ရမှာပါ။
စတုတ္ထအဆင့်
ကင်ဆာ စရုံလေးစတဲ့ ဒီအဆင့်တင်ဖြစ်နေတဲ့
အသည်းဝေဒနာရှင်တွေ
မသေနိုင်ပါ။ ဒီထက်လွန်လာ လို့
အဆင့်ကျော်လာရင်တော့
ဘယ်သူမှ တာဝန်မယူနိုင်တဲ့ အဆင့်ကို ရောက်သွား
ပါလိမ့်မယ်။
အသည်းရောဂါဖြစ်ရင် အစာလမ်းကြောင်းနဲ့ အူလမ်းကြောင်း
တွဲပြီးဖြစ်တတ်တယ်။
ဘာမှ မဖြစ်ခင် မှန်ပြောင်းကြည့်ပြီး လိုအပ်တဲ့ ကုသမှုကို
ကြိုပြီး
ခံယူထားပါ။ အသည်းကြောင့် သွေးအန်တာ သွေးဝမ်းသွားတာ
မဟုတ်ဘူး။
တဆင့်ခံဖြစ်တဲ့ အစာအိမ်နဲ့ အူလမ်းကြောင်းကြောင့် ဖြစ်တာပါ။
ကျွန်တော်
အလွန်အကျွံဖြစ်ရာကနေ အခုအခြေအနေကောင်း သွားတဲ့
အထိတော့
သွေး လည်း မအန်ဘူး၊ သွေးဝမ်းလည်း မသွားဘူး။
ကျွန်တော့်ကိုကုပေးတဲ့
Dr အောင်မင်း ရဲ့ကျေးဇူးပါ ဘဲ။ ဆရာက
ကျွန်တော့်အသည်းကို
(Cell Therapy) ဆဲလ်ကုထုံးနဲ့ပေးပြီး (interferon)
မထိုးဘဲ
ပိုးကို ကုန်အောင် သတ်ပေးလိုက်တာပါ။
ဒါကြောင့်
သိထားတာတွေကို သတိနဲ့နေရင် (B) ပိုးကြောင့်လည်း မသေနိုင်ပါ။
(C)
ပိုးကြောင့် လည်း မသေနိုင်ပါလို့ ကျွန်တော် ရဲရဲပြောပါရစေ။
ဘယ်သူခြိမ်းခြောက်လို့မှ
မကြောက်ကြပါနဲ့။ (B) ပိုးနဲ့ (C) ပိုးကြောင့်
မသေစေရဆိုတဲ့
ဆောင်ပုဒ်နဲ့ ကျွန်တော်၊ လူရွှင်တော် ဦးချစ်စရာ၊
ဦးသောင်းထွန်း
(အောင်သူကဖေး)၊ ဦးစောခိုင် (Upper Myanmar) တို့ Dr
အောင်မင်း
၏ဦးဆောင်မှုနှင့် မန္တလေးမြို့တွင် အသည်းရောဂါ
အကူအညီပေးရေးအဖွဲ့
ဖွဲ့စည်းလိုက်ပြီးဖြစ်ကြောင်း သတင်း
ကောင်းပါးလိုက်ပါတယ်။
ကျွန်တော်တို့အဖွဲ့ကို
မည်သူမဆို လစဉ် (၁၀၀၀) ကျပ် Hepatic
အသည်းအတွက်
ထည့်ဝင်နိုင်ဖို့ (1000+H) အမည်နဲ့ ဖွဲ့စည်းလိုက်ပါတယ်။
ရည်ရွယ်ချက်က
ငွေကြေးမတတ်နိုင်သော ပုဂ္ဂိုလ်တိုင်း ကို ပိုးစစ်ပေးခြင်း၊
အသည်းလုပ်ဆောင်ချက်
စစ်ဆေးပေးခြင်း၊ (Ultra Sound) ရိုက်ပေးခြင်းများကို
စတင်လုပ်ဆောင်ပြီး
လှူဒါန်းမှု လုံ့လောက်ပါက ဆေးဖိုး မတတ်နိုင်သူများကိုပါ
(B)
ပိုး (C) ပိုးနှင့် အသည်းရောဂါကို အခမဲ့ ကုသပေးကြမယ်လို့
ရည်ရွယ်ထားပါတယ်။
ဘယ်သူမဆို လာရောက် ကူညီပါဝင်ဖို့လည်း
ဖိတ်ခေါ်ပါတယ်။
ဒါကြောင့် ကျွန်တော်တို့ ပတ်ဝန်းကျင်မှာ (B) ပိုးကြောင့်
မသေစေရ၊
(C) ပိုးကြောင့် မသေစေရလို့။
အသည်းရောဂါဖြစ်တဲ့သူတိုင်း မသေစေရ
စောနေဝင်း
(ရူပဗေဒ)
ပင်းယ မဂ္ဂဇင်း အတွဲ (၁)၊ အမှတ် (၁)၊
မတ်လ၊ ၂ဝ၁၃
.
Posted by SHWE ZIN U at 7:42 AM
Labels: ပန်းသတင်း (၂ဝ၁၃)
Credit to:
https://www.facebook.com/photo.php?
fbid=406856269502722&set=a.306700879518262.1073741827.100005350564409&type=1
Subscribe to:
Posts (Atom)
