အသည်းဝေဒနာခံစားနေရသူများအတွက် .....ဆရာစောနေဝင်း (ရူပဗေဒ) ၏ ကျွန်တော့်အသည်းမာခဲ့ပါတယ်

အသည်းဝေဒနာခံစားနေရသူများအတွက်
========================
ဆရာစောနေဝင်း (ရူပဗေဒ) ၏ ကျွန်တော့်အသည်းမာခဲ့ပါတယ်
---------------------------------------------------------------
ဒီဘက်နှစ်တွေမှာ အသည်းရောဂါနဲ့ ပတ်သက်လို့ အသံတွေ ကျယ်ကျယ်

လောင်လောင် ကြားလာ ရတယ်။ ဘီပိုး၊ စီပိုးနဲ့ အသည်းခြောက်တာတဲ့။

ခန္ဓာ ရှိရင် ရောဂါရှိမယ်ဆိုတာ သိပါတယ်။ အရင် တုန်းကတော့ အရက်

သောက်ရင် အသည်းရောဂါဖြစ်တတ်တယ်လို့ ကြားဖူးပါတယ်။ အခု ဒီရောဂါ

တွေက အဖြစ်များလွန်း လာပြီး အရက်၊ ကွမ်း၊ ဆေးလိပ်တွေနဲ့ ဘာမှမပတ်သက်

ဘာမှမသောက် စားတဲ့သူတွေ လည်း ဖြစ်လာကုန်ကြတယ်။ ဖြစ်ပြီးရင်လဲ

အများစုက အသက်ဆုံးပါးကြရတယ်။ ဒါကို မစဉ်းစားပဲ မနေ သင့်တော့ ဘူး။

ကျွန်တော် ဆရာဝန်မဟုတ်ပါဘူး။ စာရေးဆရာလဲ မဟုတ်ပါဘူး။ ကျွန်တော်

ဒီရောဂါကို မလိုချင်ဘဲ လက်ခံလိုက်ရတဲ့ သူပါ။ ကျွန်တော့်ရဲ့အတွေးအခေါ်နဲ့

ကျွန်တော့်ရဲ့စိတ်ခံစားချက်တွေကို မျှဝေယုံ သက်သက်ဖြင့် သာ

ရေးသားလိုက်ခြင်း ဖြစ်ပါတယ်။

ကျွန်တော် လွန်ခဲ့တဲ့ ၂၀၀၇ ခုနှစ်လောက်မှာ ခြေထောက်တွေ စရောင်

လာပါတယ်။ ဒါနဲ့ပဲ ညီ အစ်ကိုလိုနေ တဲ့ ဆရာဝန်ဆီကို သွားပြီးပြပါတယ်။

ဒီဆရာဝန်က ဂရုစိုက်ကြည့်ပြီး X-ray, Ultrasound နဲ့ လိုအပ် တဲ့

သွေးစစ်ဆေးခြင်း တို့ကို စစ်ခိုင်းလိုက်ပါတယ်။ စစ်ဆေးချက်တွေကို ပြန်

ပြီးတော့ အားလုံးကောင်း ပါတယ်ဆိုပြီး လိုအပ်တဲ့ ဆေးတွေပေးလိုက်ပါတယ်။

ဒီလိုနဲ့ပဲ ခြေထောက်တွေက ရောင်လိုက်၊ ကျလိုက် နဲ့ နေခဲ့တာ (၂၀၁၀)

ရောက်တော့စပြီး ခေါင်းတွေအမြဲ မူးပြီး၊ မလှုပ်ချင် မကိုင်ချင် ဖြစ်လာတာပါပဲ။

ဒီတစ်ခါတော့ စစ်စရာ ရှိတာတွေ အကုန်ပြန်စစ်ပြီးမှ အရင်ဆရာဝန်ဆီ

ပြန်သွားပါတယ်။ ဆရာကလည်း ကြည့်ပြီးတော့ ကောင်း ပါတယ်။ ဒါပေမယ့် ပို

သေချာအောင်ဆိုပြီး အထူးကုဆရာဝန်မကြီးဆီကို လွှတ်လိုက် ပါတယ်။

ဆရာဝန်မကြီးဆီရောက် တော့ ဆေးရုံတက်ပါဆိုပြီး အဲဒီနေ့မှာပဲ ကျွန်တော့် ကို

ဆေးရုံတင်လိုက်ပါတော့တယ်။ ဆရာဝန်မ ကြီးနဲ့ ဆရာမတွေလဲ အစွမ်းကုန်

ကုသကြပါ တယ်။ နှလုံး သိပ်မကောင်းဘူးလို့ ပြောပါတယ်။

ကျွန်တော် နည်းနည်းသက်သာတာနဲ့ ပြန်ဆင်းလာခဲ့တယ်။ ၂၀၁၁ မှာ မသင်္ကာ

လို့ ဆေးရုံ တစ်ခါ ပြန်တက်ရတယ်။ ဒီတစ်ကြိမ်မှာ စစ်ကြည့်တော့မှ (C)

positive တဲ့။ ကျွန်တော် ဒီလောက်ကြာ အောင် ဒုက္ခဖြစ်ပြီး ခံစားနေ ခဲ့ရတာက

ဘီပိုးနဲ့ စီပိုးကို မစစ်ခဲ့ရလို့ပါပဲ။

ကျွန်တော် အကြံပေးပါရစေ။ ဘာမှမဖြစ်သေးလဲ ဘီပိုးနဲ့ စီပိုးကိုတော့ စစ်ဖို့

လုံးဝမမေ့ပါနဲ့၊ မပျင်းပါ နဲ့၊ မကြောက် ပါနဲ့။ မေ့လိုက် ပျင်းလိုက်

ကြောက်လိုက်မိရင် မဖြစ်ရင်တော့ ကောင်းတာပေါ့။ ဖြစ် လိုက်လို့ ကတော့

ငွေကုန်မယ်၊ လူနာမယ်၊ ကံဆိုးရင် အသက်ပါပေးလိုက်ရလိမ့်မည်။ ဘီပိုးက ကာ

ကွယ်ဆေး ထိုးလို့ရပါတယ်။ ထိုးဖြစ်အောင် ထိုးပါ။ စီပိုးကတော့ အနေအထိုင်နဲ့

ကာကွယ်ရမှာပါ။

ကျွန်တော့်မှာ (C) Positive ဆိုတော့ ကြောက်သွားတာပေါ့။ စိတ်ဓာတ်လဲ

ကျသွားတယ်။ မကြာခင် ပဲ သေတော့မယ် လို့ထင်တာပေါ့။ ကြောက်တော့

လူတကာလျှောက်မေးဖြစ်တာပေါ့။ အဲဒီမှာ အသည်း ဆိုတာ

အသည်းအထူးကုနဲ့ပဲ ကုသင့်တယ်ဆိုလို့ အသည်းအထူးကုရှိတဲ့ နောက်ဆေးရုံ

တစ်ရုံ ကို ပြေးခဲ့ရပါတော့တယ်။

ကျွန်တော့်မှာ ဒုတိယဆေးရုံကိုရောက်တော့ အထူးကုဆရာဝန်ကြီးက

ဆေးရုံတက်စရာမလိုဘူး။ ပိုးသတ်ဆေး (အင်တာဖရွန်) ထိုးမယ်

အသည်းအားဆေး စားထားဆိုပြီး ဆေးတွေပေးပါတယ်။ နောက် (၁၀) ရက်

ခွာချိန်းပြီး ပြန်လွှတ်လိုက်တယ်။ သူငယ်ချင်း D Bio နဲ့ Eco အောင်ကြီးတို့ မိတ်

ဆက်ပေးလို့လား မသိဘူး။ အတော် ဆက်ဆံရေးကောင်းတာပဲ။

တစ်လလောက်ကြာတော့မှ စထိုး ပါပြီဗျာ။ ပိုးသတ်ဆေး (အင်တာဖရွန်)။

အပြောများသလောက် အခံရမဆိုးပါလားလို့ ထင်ပြီး အေး အေးဆေးဆေး ဘဲ

ပြန်လာခဲ့တယ်။ တစ်ပတ်ကို တစ်လုံးထိုးရမှာတဲ့။ တစ်လုံး နှစ်လုံးခံနိုင်ပါသေး

တယ်။ ညအိပ်မရတာနဲ့ အစားမစားချင် တာကတော့ ဆိုးတယ်။ သုံးလုံးမှာ

မခံနိုင်တော့ဘူး။ လေး လုံးထိုးမဲ့နေ့မှာ ခန္ဓာကိုယ်အပြင် စိတ်ပါ မခံနိုင်တော့လို့

ကျွန်တော်စိတ်ကို မထိန်းလိုက်နိုင်ဘဲ ကြောင်ပြီး ကယောင်ချောက် ချားတွေ

လျှောက်ပြောပါတော့တယ်။ အဲဒီနေ့မှာဘဲ ဆေးရုံကိုရောက် တော့ ဆရာဝန်ကြီး

ကို ပြောပြလိုက်တာ ဆေးရုံတက်ခိုင်းပြီး ကျွန်တော့်ကို ဆရာဝန်ကြီး လာကို

မကြည့်တော့တာ ပါဘဲ။ နှစ်ရက်လောက်နေတော့ ကျွန်တော့်မိသားစုကိုခေါ်ပြီး

ကုလို့မရနိုင်တော့ ဘူး။ ဒီတောင် က ကျော်နိုင် မှာ မဟုတ်တော့ဘူး။

အသည်းခြောက်တာလွန်နေပြီလို့ ပြောပါတော့ တယ်။ ကျွန်တော့် အသည်း

မာသွားခဲ့ပြီပေါ့။

နောက်တစ်ရက် သွင်းနေတဲ့ဆေးတွေ အကုန်ရပ် အိမ် ကို

ပြန်လာခဲ့ကြရပါတယ်။ ကျွန်တော်ကတော့ ဘာမှ မသိဘူး။ အိမ်ရောက်တော့

လူနာလာမေးတဲ့ သူတွေကတော့ များတယ်လို့တော့ ထင်သား။ အဲဒီထဲ မှာ

နှစ်ယောက်ရဲ့စကားတွေက သိသင့်နေပြီ။ ပထဝီဦးကိုကို က ငါ့ညီ

မင်းတာဝန်ကျေခဲ့ပါတယ်ကွာတဲ့။ လက်ကို ဆွဲပြီး နှုတ်ဆက်တယ်။ နောက်

တစ်ယောက်က အစ်မ ဒေါ်ခင်ဌေး (အရှေ့တိုင်းဇာတ်) ငါ့မောင် သြစတြေးလျ

မှာ ဆရာတော်ဟော တဲ့ ခွေလေးဖွင့်ပြီး တရားလေးမှတ်နေပါတဲ့။ သူတို့

ကျွန်တော့်ကို သတ်မှတ် လိုက်ကြပြီပေါ့။

အဲဒီအချိန်မှာ ကိုချစ်စရာ (လူရွှင်တော်)က ထိုင်းကိုသွားဖို့ အကြံပေးချိန်

မိသားစုကလည်း ထိုင်းမှာ ကုဖို့ အားသန်ကြတော့ ကျွန်တော်

 ဘန်ကောက်ဆေးရုံကြီးကို ကျွန်တော့်အမျိုးသမီးနဲ့ တပည့် ခင်မောင်တင့်တို့

အကူအညီ နဲ့ ရောက်ခဲ့ရပါတယ်။ ကျွန်တော် သူတစ်ပါးတိုင်းပြည်ကို ရောက်လို့

ပြင်ပအသွင်သဏ္ဍာန်တွေ တိုးတက် လွန်းတော့ ကုသရေးမှာ အားကိုးမိတာ

ဝန်ခံပါတယ်။ ဒါပေမယ့် ကျွန်တော့်ကို မြန်မာနိုင်ငံက ဆရာဝန်ကြီး များ

ပေးတဲ့ဆေး ဆက်သောက်ပါတဲ့။ အသည်းလဲဖို့ လိုသလားလို့မေးတော့

အသည်းသာ A, B, C အဆင့်တွေ ရှိတဲ့အထဲမှာ B နဲ့ C ကြားအဆင့်မှာ

ရောက်နေပါတယ်တဲ့။ အခုမလဲပါနဲ့အုံး လိုအပ်လို့ လဲရင် လည်း

ထိုင်းကိုမလာခဲ့ပါနဲ့ အဲဒီမှာက ထိုင်း လူမျိုးခြင်းသာ ဖလှယ်ပေးတာပါတဲ့ဗျာ။

ကျွန်တော် ဘာမှ မလုပ်ရဘဲ စစ်ဆေးရုံနဲ့ ဘဲ အောင်မြင်စွာ

ပြည်တော်ပြန်ခဲ့ရပါတယ်။

ကျွန်တော် ဘာလုပ်ရမှန်းမသိဘဲ အိမ်မှာ အသည်းအားဆေးလေးစားပြီး

နားနေတုန်း တွေ့ပါပြီ။ အသည်းရောဂါ အကြောင်း စာအုပ်တွေရေးနေလို့

လူသိများနေတဲ့ သူငယ်ချင်း အသည်းဆရာဝန်။ သူငယ်ချင်း မှ

ငယ်သူငယ်ချင်းဗျ။ ဒေသကောလိပ်မှာ တစ်နှစ်ထဲ အတူတက်ခဲ့တာ။

အားရှိသွားတာ ပေါ့။

သူငယ်ချင်း ကိုယ် ကုပေးပါမယ်ဆိုပြီး တစ်လလောက်ကုလိုက်တာ

တစ်နေ့မှာတော့ သူငယ်ချင်း မပြောရင် လည်း ကိုယ့်အပြစ်ဖြစ်မှာစိုးလို့ မင်းကို

ကုလို့မရနိုင်တော့ဘူးလို့ ပြောချင်တာ ကြားလိုက် ရပါတယ်။ အသည်း

လဲလိုက်ရင်တော့ ရနိုင်သေးတယ်တဲ့။ ကျွန်တော် စိတ်တင်းပြီးတော့ ငါ ဘယ်

လောက်နေ ရအုံးမလဲကွာလို့ မေးတော့ ဒါလည်း မပြောနိုင်ဘူး။ မင်း အခု

သွေးအံရင် အခုသွား တော့မှာတဲ့ ကျွန်တော် ဘာမှ မသိတော့ပါ။

ကျွန်တော်အိမ်ကို ဘယ်လိုပြန်ရောက်မှန်း မသိလိုက် တော့ပါ။ အဲဒီအချိန်ကစပြီး

အိပ်ယာပေါ် မှာ အချိန်ပြည့် စိတ်ဖိစီးမှုနဲ့အတူ နေရပါတော့တယ်။

ကျွန်တော့်စိတ်ထဲမှာ ဘဝကို ဘယ်လို ကူးမလဲ ဆိုတာကလွဲလို့

ဘာမှမရှိတော့ပါ။ အိန္ဒိယက (Apolo) ဆေးရုံက Mr. ဂုတ်တား ဆိုတဲ့

ဆရာဝန်ကြီး လာလို့ တစ်ခါပြလိုက်ပါသေးတယ်။ အသည်း ကို ရက်ပိုင်းအတွင်း

အမြန်ဆုံး လဲပါတဲ့။ (CT) ရိုက်ကြည့် လိုက်တော့ "Cirrhosis of Liver Portal

Hypertension" တဲ့ အသည်းခြောက်လို့ Portal Vein ဆိုတဲ့ အသည်း

ကိုသွားတဲ့ အကြောကြီးပိတ် ပြီးတော့ ရောင်နေပါပြီ။

ကျွန်တော် ဘာလုပ်ရမလဲ မသိတော့ပါ။ ကျွန်တော့်အိမ်က မိသားစုလည်း

ငွေကုန်၊ လူပန်း၊ ဘာလုပ်ရမှန်း မသိကြတော့ ပါ။ ဒါပေမယ့် သူတို့စေတနာ၊

သူတို့မေတ္တာက အိန္ဒိယကိုသွားပြီး အသည်းလဲပေး ချင်သေးတယ်။ ဒါပေမဲ့

အဲဒီလုပ်ငန်းက သိန်းတစ်ထောင်လောက်ကုန်မယ်၊ အောင် မြင်ရင်

ကောင်းတယ်၊ မအောင်မြင် ရင် နစ်နာမှုတွေ များလိမ့်မယ်။ ဒါပေမယ့်

လုပ်မှာပဲဆိုပြီး အသည်းအလှူခံတဲ့ စာရွက်တွေ လိုက်ကပ်ပါတော့တယ်။

ကျွန်တော့်ကို အကူအညီပေးစောင့် ရှောက်ဖို့ ညီမ ဘေဘီ၊ အစ်မကြီး မဒေါ်လီနဲ့

တပည့် ကိုကျော်မြ တို့ ရန်ကုန်ကို နိုင်ငံကူးလက်မှတ် လုပ်ဖို့ သွားကြပါပြီ။ ကံ

အလွန်ကောင်းပါတယ်။ အသည်း အလှူရှင် (၁၀) ယောက်ထဲက ရမဲ့သူ

ဆေးစစ်တာ ငါးယောက်တောင်ရတယ်။ ကျွန်တော့်မိန်းမ နန်းငွေကြည်

ကလည်း မထိန်းနိုင်အောင် ပျာယာခတ်ပြီး ဗေဒင်ဆရာတွေဆီ

သွားနေရရှာသည်။

ကျွန်တော့် ကျန်းမာရေးကတော့ တော်တော်ဆိုးလာပါတယ်။

ကျွန်တော့်မျက်နှာတွေဟာ မဲပြီး အကွက်တွေဖြစ်လာပါပြီ။

အရေပြားတွေကလည်း ငါးတွေရဲ့ အကြေးခွံတွေ လို ဖြစ် လာပါပြီ။ ခြေ

ထောက်တွေ က လည်း ရောင်လိုက်တာ၊ ဆင်ခြေထောက်

ရောဂါသည်တွေအတိုင်းပဲ။ စကား လည်း ကောင်းကောင်း မပြောနိုင်တော့ပါ။

ကျွန်တော် လုပ်နိုင်တာလေးကတော့ ကျွန်တော် ဖုန်းလေးထဲ မှာ ဘောဇဉ်သုတ်

ကို ထည့်ပြီး မပြတ်တမ်း ဖွင့်နေတော့တာပါပဲ။

အဲဒီအချိန်မှာ ကျွန်တော့်ကို အချိန်ပြည့် စောင့်ရှောက်နေတဲ့

ဦးသိန်းဆောင်ရဲ့အစီအစဉ်နဲ့ ဦးစောဝင်းထွန်း တို့ ညလုံးပေါက်ပရိတ်တွေ

လာရွတ်ပေးနေကြပါပြီ။ နောက်နေ့မနက်မှာ ရန်ကုန်က ပြန် လာတဲ့ မဒေါ်လီရဲ့

တိုက်တွန်းချက်နဲ့ ကျောက်ဆည်နားက တမုတ်ရွှေဂူကြီးဘုရားကို ကျွန်တော်

အိပ်ပြီး လိုက်သွားပါတယ်။ ဟိုရောက်တော့ ဘုရားဆင်းတုတော်ရဲ့ရှေ့မှာ

နံရံကိုမှီပြီး "တပည့် တော် ဒီနိုင်ငံမှာပဲ ကျန်းမာရေးနဲ့ ပတ်သက် လို့

အဆင်ပြေပါရစေ ဘုရား" လို့ နှုတ်က အသံထွက် လျှောက်ပြီး

အာရုံနေလိုက်ပါတယ်။ ပြီးတော့ အိမ်ပြန် လာခဲ့ကြပါတယ်။

အဲဒီနေ့မှာပဲ လွန်ခဲ့တဲ့ နှစ် (၃၀) လောက်က စာသင်ပေးခဲ့ဘူးတဲ့ ယခု မိုးကောင်း

တိုက် မြစိမ်း ကျောင်း ဆရာတော်က ဒကာကြီး နေမကောင်းဘူးကြားလို့

လာကြည့်ချင်တယ်လို့ ဖုန်းလှမ်းဆက်ပါ တယ်။ ကားလွှတ်ပေးပါမယ် ဘုရားလို့

လျှောက်တော့ ကားမလိုဘူး ကိုယ့်ဟာကိုယ် လာမယ် ဆိုပြီး

ရောက်လာပါတယ်။ဆရာတော် ကျွန်တော့်ကိုမြင်တော့

အတော်စိတ်မကောင်းစွာနဲ့ မဖြစ်သေးပါ ဘူး အားမလျှော့ နဲ့ ကျုပ်

စီစဉ်မယ်ဆိုပြီး ကျွန်တော် တစ်ခါမှ မကြားဘူး၊ တစ်ခါမှ မသိဘူး။ တစ်ခါမှ

မကြား ဘူးသော ဒေါက်တာအောင်မင်း ဆိုသော ဆရာကို မန္တလေးအမြန်လာရန်

ရန်ကုန်သို့ ဖုန်းနဲ့ ဆက်၍ ခေါ်ပါတော့တယ်။

ကျွန်တော့်ထံသို့ ဆရာ နောက်တစ်ရက်မှာ ဆရာတော်နဲ့အတူ

ရောက်လာပါတယ်။ ဆရာပုံက ဆရာဝန် နဲ့လည်း မတူဘူး။ အတော်ရိုးတယ်။

လက်ကောက်ဝတ်မှာ စိတ်ပုတီးလေးပတ်ထားတယ်။ ကန်တော့နော်

တောကျောင်းဆရာလေး အတိုင်းပဲ ရောက်တာနဲ့ ကျွန်တော့်

သွေးစစ်ထားတာတွေ (CT) ရိုက်ထားတာတွေ ကို အကုန်ယူကြည့်၊

စာရွက်ပေါ်မှာ (Graph) တွေဆွဲနဲ့ တော်တော်လေး ကြာတော့ ကျွန်တော့် ကို

ဆရာဒေါက်တာအောင်မင်း က ဆရာလို့ ပြန်ခေါ်ပါတယ်။ သူ ပြောတာက

ဆရာမပူနဲ့ ဘာမှမဖြစ်စေရဘူး။ အိန္ဒိယမှာလည်း အသည်းသွားမလဲနဲ့ ကျွန်တော်

ဆရာ့ကို ကုမယ် ငါးရက်နေရင် ဆရာ သိသာမယ် (၁၀) ရက်နေရင်

ဘေးလူတွေပါသိမယ်။ တစ်လပြည့်ရင် သွေး ပြန်စစ်ကြည့်လိုက်ပါတဲ့ဗျာ။

ကျွန်တော် ထခုန်ချင်လောက်အောင်ကို ဝမ်းသာသွားခဲ့တာပေါ့။

သိန်းတစ်ထောင်လောက် အကုန်ခံ အိန္ဒိယ သွား၊ အသည်းလဲ အောင်မြင်၊

မအောင်မြင် ဘာမှန်းမသိဘဲ သေတော့မဲ့ဆဲဆဲ ဖြစ်နေတာ ဝမ်းမသာဘဲ

နေပါ့မလား။ ကျွန်တော်က အတွန့်တက်ပြီး ကျွန်တော်မသေဖို့

ဆရာတာဝန်ယူရဲလား လို့မေးတော့ ရယ်ပြီး ကျွန်တော် အာမခံပါတယ်ဗျာတဲ့။

ကျွန်တော် လူကြီးတွေပြောခဲ့တဲ့ အပျော်ဆုံး နေ့ သုံးနေ့ကို ကျော်ဖြတ်ဖူးပါတယ်။

အဲဒီနေ့ကတော့ ဟိုသုံးနေ့ ထက် ပိုမယ်လို့ထင်ပါတယ်။ ကျွန်တော့်ကို ဆရာ

ဆေးစထိုးပါတယ်။ တစ်လုံးပဲ သူကိုယ်တိုင် ထိုးတာ ကျန်တာ ကို ကျွန်တော့်

တူမ ဆရာမအေးဝင်းသန်း ကိုခေါ်ပြီး ထိုးခိုင်းတာ။ မနက်တစ်လုံး၊ ညတစ်လုံး၊

လက်မောင်း မှာ ထိုးတာ (၅) ရက်ပြည့်တဲ့နေ့မှာ ကျွန်တော့်ခြံဝင်းထဲ ကျွန်တော်

လမ်းလျှောက်နေပါပြီ။ (၁၀) ရက် ပြည့်တဲ့နေ့ မှာ ကျွန်တော်မြို့ထဲမှာ

ကိုယ်တိုင်မောင်းပြီး ကားနဲ့လျှောက်သွားနေတာကို သိလူတိုင်း အံ့သြ တဲ့

အကြည့်နဲ့ ကြည့်နေကြပါပြီ။ (၂) လပြည့်တော့ ကျွန်တော့်ကို

တစ်ရက်နှစ်လုံးထိုးရာက နေ တစ်ရက် တစ်လုံးလျှော့လိုက်ပါတယ်။

သွေးပြန်စစ်ခိုင်းပါတယ်။ သွေးပြန်စစ်ခိုင်းပါတယ်။ (Ultra-sound)

ပြန်ရိုက်ခိုင်းပါတယ်။ (Ultra-sound) မှာ အသည်းခြောက်တာလည်း မတွေ့ရ

တော့ပါဘူး။ (Portal Vein) လည်း ပိတ်ပြီး (21 mm dilated)

ရောင်နေရာကနေ (14 mm dilated) ဆိုပြီး ရောင်တာ လျော့သွားပါတယ်။

WBC (ဒဗလျူဘီစီ)၊ HGB (အိပ်ခ်ျဂျီဘီ)၊ PLT (ပလိပ်လက်) နဲ့ Albumin

(အယ်ဗျူမင်) တွေ အားလုံးလည်း (Normal) ဆိုပြီး သွေးအဖြေတွေ ထွက်လာ

ခဲ့ပါပြီ။ သွေးအဖြေ မှာလည်း ပြန်ကောင်းသွားပါပြီ။ ကျွန်တော့်အတန်းတွေမှာ

လည်း ပုံမှန် စာပြန်သင်နေပါပြီ။ မာခဲ့တဲ့ အသည်းကြီးလည်း ပြန်ပျော့ပြီး

သွေးကျောလည်း ပုံမှန်ပွင့်ပြီး ဘယ်ခြေ ထောက်မှာလည်း မရောင်တော့ ပါဗျာ။

ကျွန်တော် အံ့သြလွန်းလို့ ဆရာ ဘယ်လိုကုတာလဲလို့ မေးကြည့်တော့

ညီအစ်ကိုလိုဖြစ်နေတဲ့ ဆရာက (Cell Therapy) ဆဲလ် ကုထုံး နဲ့ ကုတာပါတဲ့။

ပျက်နေတဲ့ အသဲ (Cell) တွေကို ဖယ်ထုတ် ပြီး (Cell) အကောင်းတွေ အသစ်

ဖန်တီးတာလို့ ပြောပါတယ်။ အသစ်ဖန်တီးတဲ့ နေရာမှာ ကလေး အချင်းကို

သုံးပြီးဖော်ထား တဲ့ ဆေးကို သုံးကြောင်း (WHO) က

အသိအမှတ်ပြုတဲ့ဆေးဖြစ်ကြောင်း ကလေးတစ်ယောက် ကို မိခင်ရဲ့ဝမ်းတွင်းမှာ

(၉) လ (၁၀) လ ကာကွယ်စောင့်ရှောက်နိုင်သော အချင်းရဲ့ တန်ဖိုးကြီးကြောင်း၊

ဆေး ရဲ့အမည်ကိုက (LAENNEC) ဖြစ်ကြောင်း ရှင်းပြပါတော့တယ်။ ကျွန်တော်

အလွန်ပဲ အံ့သြကျေးဇူးတင် မိနေပါတယ်။

ကျွန်တော် ကျေးဇူးတင်လွန်းလို့ တစ်ကြိမ်မှာလည်း မကန်တော့ရသေးလို့ ဆရာ

ဒေါက်တာအောင် မင်းကို ကန်တော့ ပါရစေလို့ ပြောတော့ ဆရာက

ကျွန်တော့်ကို ငှက်ပျောသီးနဲ့ အုန်းသီး သွားဝယ် လိုက်ပါတဲ့။ အံ့ရော ဗျာ။

ဆရာဟာ ကျွန်တော် ဘယ်လိုမှမထင်မှတ်ပါသော နောက်ထပ်ဘယ်လိုမှ တူတာ

မရှိနိုင်တော့ ပါသော ကျွန်တော့်ကျေးဇူးရှင် အသက်သခင်ပါဘဲဗျာ။

ကျွန်တော့်လိုပဲ လူသားတိုင်း ဘုရားတန်ခိုး၊ တရားတန်ခိုး၊ သံဃာတန်ခိုးကြောင့်

အစွမ်းထက်သော ဆရာများ၊ ဆေးဝါးများ တွေ့ကြပါစေလို့ ဆန္ဒပြုလိုက်ပါတယ်။

"ဘီပိုး စီပိုးကြောင့် သေတတ်သလား။"

(B) ပိုးတွေ့ရင် သေတတ်လား။ (C) ပိုးတွေ့ရင် သေတတ်လား။

လူနာတော်တော်များများ၊ မျက်နှာ ငယ်လေးတွေနဲ့ အားကိုးတကြီး မေးတာကို

တွေ့ဖူးကြားဖူးခဲ့ပါတယ်။

ကျွန်တော် ရဲရဲတင်းတင်းဖြေပါ့မယ်။ (B) ပိုးတွေ့လို့လည်း မသေနိုင်ပါဘူး။ (C)

ပိုးတွေ့လို့လည်း မသေနိုင် ပါဘူး။ မင်းက ဆရာဝန်လားလို့ မေးခဲ့ရင် ကျွန်တော်

ဆရာဝန် မဟုတ်ပါဘူး။ ဒါပေမယ့် ဒီရောဂါ ကို နှစ်အတော်ကြာ

ကိုယ်တိုင်ခံစားပြီး အတွေ့အကြုံပေါင်းများစွာနဲ့ အခြိမ်းအခြောက်ခံ လက်တည့်

အစမ်းခံပြီး ဆရာဝန်ကြီးအချို့ထံက ဆေးဖိုးရော ဝါးခပါ အကုန်အကျခံပြီး

သင်ယူလေ့ လာခဲ့ရတာပါ။

ကျွန်တော် သိသလောက်ကတော့ ပထမအဆင့် (B) ပိုး၊ (C) ပိုးတွေ့ရုံနဲ့

ဘာမှမဖြစ်နိုင်သေးပါဘူး။ ဒုတိယအဆင့် နှစ်အနည်းငယ်ကြာလာမှ

အသည်းလုပ်ဆောင်ချက်တွေ စပျက်ပြီး အသည်းအနည်း

ငယ်ခြောက်လာတာပါ။ ဘာမှမဖြစ်နိုင်သေးပါ။ အဲဒီနောက် တတိယအဆင့်မှာ

အသည်းခြောက် တာ ပိုဆိုးလာတာပေါ့။ အဲဒီနောက် (Portal vein) လို

သွေးကြောတွေ စပိတ်ပြီး ခြေထောက် စ ရောင်လာတယ်။ စတုတ္ထအဆင့်မှာမှ

အသည်းကင်ဆာရောဂါ စဖြစ်လာတာ နောက်ဆုံး ပဉ္စမဆင့် မှာတော့

ကင်ဆာဆဲလ်တွေ ပျံ့ကုန်တယ်လို့ သိထားရတာ။ စတုတ္ထအဆင့်လောက်ထိ

ကုလို့နိုင်ပါ တယ်။

ဒါကြောင့် ကျွန်တော်တို့ ဘာလုပ်သင့်သလဲဆိုရင် ဘာမှမဖြစ်သေးလည်း (B)

ပိုးနဲ့ (C) ကို စစ်သင့် တယ်။ များသောအားဖြင့်က မစစ်ဘဲ ထားကြတာ

အခြားတစ်ခုခုဖြစ်လို့ စစ်မှသိတော့ နည်းနည်း လွန်ကုန်တယ်။ ကုရတာ

ခက်တာပေါ့။
အဲဒီ ပထမအဆင့် (B) နဲ့ (C) ပိုးတွေ့ရုံကတော့ ဘာမှမကြောက်နဲ့ (interferon)

ဆိုတဲ့ ပိုးသတ် ဆေးထိုးလည်း ရတယ်။ အသည်းမပျက်သေးတော့ ခံနိုင်တယ်။

အခြားပိုးသတ်ဆေးတွေလည်း ပေါ်ကုန်ပြီ။

ဒုတိယအဆင့် ပိုးတွေ့လို့၊ အသည်းနည်းနည်း ခြောက်လာရင် မကြောက်နဲ့

ဘာမှမဖြစ်ဘူး။ အသည်း လုပ်ဆောင်ချက် (LFT) မမှန်ရင်တော့ (interferon)

သွားမထိုးနဲ့ မခံနိုင်ဖြစ်တတ်တယ်။ အသက် ဆုံးရှုံးကြတာ ဟာ မှားပြီး

ပိုးသတ်နေကြလို့ သေကုန်ကြတာ။ အရင်ဆုံး အသည်းကို ကောင်းအောင်

ပြင်ဆင်ပါ။ ကျွန်တော် လက်တွေ့ ကတော့ (LAENNEC) ဆိုတဲ့ ဆေးဟာ

အသည်း လုပ်ဆောင် ချက်ကောင်းအောင် ဆောက်ရွက်တဲ့ ဆေးထဲမှာ

သူ့ကိုမှီတဲ့ဆေး မတွေ့ဘူးသေးဘူး။ အဲဒီဆေးထိုးကာ (LFT) အကုန်

ပုံမှန်ပြန်ဖြစ်တာ ကျွန်တော်ကိုယ်တိုင် အပါအဝင် လူငါးဆယ် ကျော် ကိုယ်တွေ့

ပါပဲ။ ဒီအချိန် မှာတော့ လူနာဘက်က ဂရုစိုက်နေရပြီး ဝမ်းလုံးဝအချုပ်မခံနဲ့။ ဖျား

ရင်လည်း (paracetamol) ပါရာစီတမော ပါဝင်တဲ့ အုပ်စု ဘယ်ဆေး မှ မသုံးနဲ့။

ပရုပ်ပါတဲ့ ရှူဆေး လိမ်ဆေးတွေကို မသုံးနဲ့။ အံ့သြစရာကတော့ ကြက်သွန်ဖြူ

အစိမ်း မစား ရပါဘူး။ ပဲကြီး ပဲကျား မစားရပါဘူး။ (Alvolac) ဆိုတဲ့

ဝမ်းနှုတ်ဆေးကလွဲလို့ ဘယ်ဝမ်းနှုတ်ဆေးမှ မစားရပါဘူးဗျာ။ ဒီအချိန်မှာ

မောလာတတ်ပါတယ်။ ခြေထောက်တွေ စရောင်လာ တတ်ပါတယ်။

အသည်းပုံမှန် ပြန်ဖြစ်လာပြီ ဆိုမှ ပိုးကိုသတ်ပါ။ ကိုယ်ကြိုက်တဲ့နည်းနဲ့ သတ်ပါ။

ပန်းဝတ်မှုံနဲ့လည်း ပိုးကောင် အရေအတွက် လျှော့ချတတ်ပါတယ်။

နောက်တစ်ချက်က ကိုယ့်ကိုကိုယ် အနားယူခြင်း ဟာ အကောင်း ဆုံးသော

အသည်းကုသခြင်းလို့ သိပြီး တတ်နိုင်သမျှ လှုပ်ရှားမှု နည်းအောင်နေပါ။

ဆိုင်ကယ်မစီးပါနဲ့။ ခါးလေ့ကျင့် ခန်း မလုပ်ပါနဲ့။ ပက်လက်ကုလားထိုင်မှာ

မထိုင်ကြပါနဲ့။ ဒီအခြေ အနေမှာ သတိနဲ့နေရင် ဘာမှ စိုးရိမ်စရာ မလိုသေးပါဘူး။

တတိယ အဆင့် အသည်းပိုခြောက်လာရင်လည်း (B) ပိုး (C) ပိုးကို

အဓိကမထားပါနဲ့။ အသည်းကို အဓိက ထားပြီး ပြင်ရပါတယ်။ အဲဒီ

အဆင့်ရောက်ရင်တော့ နည်းနည်းစိုးရိမ်ရပါတယ်။ လစဉ် (Ultra Sound)

ရိုက်ပါ။ (Alphafetoprotein) ကို စစ်ပေးပါ။ ကင်ဆာရောဂါဘက်ကို ကူးမှာ

စိုးရိမ် ရလို့ပါ။

(Ultra Sound) မှာ အစက်အပျောက်ပေါ်ရင် သို့မဟုတ် (Alphafetoprotein)

တက်လာရင် ဆရာ ဝန်နဲ့ အမြန် တိုင်ပင်ပါ လိုအပ်သလို ကုယူပါ။ (LAENNEC)

ဆိုတဲ့ဆေးကတော့ ကင်ဆာစတဲ့ အဆင့်လောက် အထိကတော့

ကုလို့ရတာတွေ့ရပါတယ်။ ဒီအချိန်ကတော့ အရေးကြီးဆုံး အချိန်လို့

ပြောရလိမ့်မယ်။ (LFT) ကိုလည်း မကြာမကြာစစ်ပြီး လိုအပ်တာလေးတွေကို

ဆရာဝန်နဲ့ ကုသရင် မသေနိုင်ပါဘူးဗျာ။

ဒီနေရာမှာ ဆရာဝန်တွေလို တတ်စရာမလိုပေမယ့် ကိုယ်တိုင် နည်းနည်းတော့

သိထားသင့် တာ လေးတွေက (WBC) ဆိုတာ သွေးဖြူဥကို ပြောတာပါ။ (WBC)

ကျလာတယ်ဆိုရင် သွေးဖြူဥနည်း သွားတာပါ။ (H.G.B) ဆိုတာ

ဟောမိုကလိုဘင် သွေးအနီရောင်ကို ညွှန်းတာပါ။ သူနည်းရင် သွေး

သွင်းရပါလိမ့်မယ်။ (PLT) ပလိပ်လက်ဆိုတာက သွေးထွက်မှုကို တားဆီးပေးတဲ့

သွေးဆဲလ်တစ် မျိုးကို ပြောတာပါ။ ပလိပ်လက်တွေ တအားကျလာရင်

သွေးအန်တတ်ပါတယ်။

(Albumin) အယ်(လ်)ဗျူမင်ဆိုတာက အသည်းမှသာ ထုတ်ပေးသော မရှိမဖြစ်

လိုအပ်တဲ့ ပရိုတင်း ဓာတ်ပါ။ အယ်(လ်)ဗျူမင်ကိုတော့ အလွန်မကျအောင်

ဆေးသွင်းပေးလို့ရပါတယ်။ (Bilirubin) ဘီလီရူဘင်ဆိုတာ အဝါရောင်ဓာတ်ကို

ခေါ်တာပါ။ ဆီးနဲ့ ဝမ်းတွေက စွန့်ထုတ်ပေးတတ်ပါတယ်။ အင်ဇိုင် (AST) (ALT)

တွေ အထွက်များရင်လည်း အသည်းဆဲလ်တွေ အပျက်များနေတာပါ။ ဂရု

စိုက်ရမှာက အင်ဇိုင်းတွေ သွေးတွင်းမတတ်ရင်လည်း ပျက်စရာ

အသည်းဆဲလ်မရှိတော့လို့ ဖြစ် တတ်တာလည်း သိထားရပါမယ်။

(Alphafetoprotein) ဆိုတာ ကင်ဆာဖြစ်ရင် ထွက်လာတတ်တဲ့ (protein)

အသားဓာတ်ကို မထိန်းနိုင်ဘဲ ဝမ်းဗိုက် အတွင်းမှာ (Free Fluid)

အသုံးမကျသော အရည်တွေများလာပြီး ဗိုက် ဖောင်းလာတတ်ပါတယ်။ အဲဒါကို

ရေဖျင်း စွဲတယ်လို့ ခေါ်ကြတာပါ။ အသည်းဟာ ကျောက်ကပ်နဲ့ လည်း

ဆက်နေတာမို့ (Creatinine) ခရစ်တနင်း ကိုလည်း မကြာ မကြာ စစ်ပေးပါ။

အသည်းဝေဒနာရှင်မှန်ရင် ရှောင်ရန်ကတော့ ရှိတယ်နော်။ ဆရာကိုယ်တိုင်

ကျွန်တော့်ကို တားမြစ် ထားတာတွေကတော့

(၁) အဆီ

ဝက်သား၊ ဘဲသား၊ အုန်းနို့၊ ဒန်ပေါက်၊ ထောပတ်၊ မလိုင်၊ ရေခဲမုန့်၊ စားအုန်းဆီ၊

အမဲသား၊ ကျွဲသား၊ ဝမ်းတွင်းသား၊ ပြည်ကြီးငါး၊ ကြက်ဥ၊ ဘဲဥ၊ ငုံးဥ၊ အနှစ်များ၊

ကြက်အရေခွံ

(၂) အစပ်

ငြုပ်သီးမှုန့်၊ အစပ်လွန်ကဲ၊ ကြက်သွန်ဖြူစိမ်း

(၃) ငြုပ်ဆီ၊ အရောင်တင်မှုန့်၊ အရောင်ပါသောကိတ်မုန့်၊ ရေခဲမုန့်၊ ဖျော်ရည်

(၄) အသားခြောက်

ငါးပိ၊ ငါးခြောက်၊ ဂျီသား၊ ဆတ်သားခြောက်၊ အမဲခြောက်၊ ကြက်အူချောင်း၊

ဝက်အူချောင်း
(၅) အသင့်စားနိုင်အောင် လုပ်ထားသော အစာများ

ကော်ဖီမစ်၊ ကွေကာ၊ ခေါက်ဆွဲ၊ ကြာဇံသုပ်၊ အသားဗူးမျိုးစုံ၊ အချိုမှုန့်၊

အချိုရည်ဗူး၊ အအေးပုလင်း

(၆) မှိုတတ်နေသော အစား

ဆန်ဟောင်း၊ ပေါင်မုန့်၊ ပလပစတစ်ဖြင့် ထုတ်ထားသော ယိုမျိုးစုံ

(၇) အလွန်ပူသော / အေးသော အစာ

အလွယ်တကူ မသောက်နိုင်သော ဟင်းရည်ပူ သောက်လျှင် 

ခေါင်းကိုက်အောင်အေးသော အအေးပုလင်းများ

(၈) ပရုပ်ပါသော ရှူဆေး၊ လိမ်းဆေး၊ အနံ့ခဲများ

(၉) ပလက် ကုလားထိုင် မထိုင်ရ

(၁၀) ခါးကြော၊ ဗိုက် အနှိပ်အနင်းမခံရ

(၁၁) Paracetamol (ပါရာစီတမော)

(၁၂) ပဲကြီး၊ ပဲကျား

(၁၃) သံပုရာ၊ ရှောက်၊ ဂရိတ်ဖုရု

(၁၄) ဆရာဝန်ညွှန်ကြားမှု မဟုတ်သော အားဆေးများ၊ သောက်ခြင်းတို့ဟာ

အသည်းရောဂါ ရှိနေ သရွေ့ ရှောင်ရမှာပါ။

စတုတ္ထအဆင့် ကင်ဆာ စရုံလေးစတဲ့ ဒီအဆင့်တင်ဖြစ်နေတဲ့

အသည်းဝေဒနာရှင်တွေ မသေနိုင်ပါ။ ဒီထက်လွန်လာ လို့

အဆင့်ကျော်လာရင်တော့ ဘယ်သူမှ တာဝန်မယူနိုင်တဲ့ အဆင့်ကို ရောက်သွား

ပါလိမ့်မယ်။ အသည်းရောဂါဖြစ်ရင် အစာလမ်းကြောင်းနဲ့ အူလမ်းကြောင်း

တွဲပြီးဖြစ်တတ်တယ်။ ဘာမှ မဖြစ်ခင် မှန်ပြောင်းကြည့်ပြီး လိုအပ်တဲ့ ကုသမှုကို

ကြိုပြီး ခံယူထားပါ။ အသည်းကြောင့် သွေးအန်တာ သွေးဝမ်းသွားတာ

မဟုတ်ဘူး။ တဆင့်ခံဖြစ်တဲ့ အစာအိမ်နဲ့ အူလမ်းကြောင်းကြောင့် ဖြစ်တာပါ။

ကျွန်တော် အလွန်အကျွံဖြစ်ရာကနေ အခုအခြေအနေကောင်း သွားတဲ့

အထိတော့ သွေး လည်း မအန်ဘူး၊ သွေးဝမ်းလည်း မသွားဘူး။

ကျွန်တော့်ကိုကုပေးတဲ့ Dr အောင်မင်း ရဲ့ကျေးဇူးပါ ဘဲ။ ဆရာက

ကျွန်တော့်အသည်းကို (Cell Therapy) ဆဲလ်ကုထုံးနဲ့ပေးပြီး (interferon)

မထိုးဘဲ ပိုးကို ကုန်အောင် သတ်ပေးလိုက်တာပါ။

ဒါကြောင့် သိထားတာတွေကို သတိနဲ့နေရင် (B) ပိုးကြောင့်လည်း မသေနိုင်ပါ။

(C) ပိုးကြောင့် လည်း မသေနိုင်ပါလို့ ကျွန်တော် ရဲရဲပြောပါရစေ။

ဘယ်သူခြိမ်းခြောက်လို့မှ မကြောက်ကြပါနဲ့။ (B) ပိုးနဲ့ (C) ပိုးကြောင့်

မသေစေရဆိုတဲ့ ဆောင်ပုဒ်နဲ့ ကျွန်တော်၊ လူရွှင်တော် ဦးချစ်စရာ၊

ဦးသောင်းထွန်း (အောင်သူကဖေး)၊ ဦးစောခိုင် (Upper Myanmar) တို့ Dr

အောင်မင်း ၏ဦးဆောင်မှုနှင့် မန္တလေးမြို့တွင် အသည်းရောဂါ

အကူအညီပေးရေးအဖွဲ့ ဖွဲ့စည်းလိုက်ပြီးဖြစ်ကြောင်း သတင်း

ကောင်းပါးလိုက်ပါတယ်။

ကျွန်တော်တို့အဖွဲ့ကို မည်သူမဆို လစဉ် (၁၀၀၀) ကျပ် Hepatic

အသည်းအတွက် ထည့်ဝင်နိုင်ဖို့ (1000+H) အမည်နဲ့ ဖွဲ့စည်းလိုက်ပါတယ်။

ရည်ရွယ်ချက်က ငွေကြေးမတတ်နိုင်သော ပုဂ္ဂိုလ်တိုင်း ကို ပိုးစစ်ပေးခြင်း၊

အသည်းလုပ်ဆောင်ချက် စစ်ဆေးပေးခြင်း၊ (Ultra Sound) ရိုက်ပေးခြင်းများကို

စတင်လုပ်ဆောင်ပြီး လှူဒါန်းမှု လုံ့လောက်ပါက ဆေးဖိုး မတတ်နိုင်သူများကိုပါ

(B) ပိုး (C) ပိုးနှင့် အသည်းရောဂါကို အခမဲ့ ကုသပေးကြမယ်လို့

ရည်ရွယ်ထားပါတယ်။ ဘယ်သူမဆို လာရောက် ကူညီပါဝင်ဖို့လည်း

ဖိတ်ခေါ်ပါတယ်။ ဒါကြောင့် ကျွန်တော်တို့ ပတ်ဝန်းကျင်မှာ (B) ပိုးကြောင့်

မသေစေရ၊ (C) ပိုးကြောင့် မသေစေရလို့။

အသည်းရောဂါဖြစ်တဲ့သူတိုင်း မသေစေရ

စောနေဝင်း (ရူပဗေဒ)

ပင်းယ မဂ္ဂဇင်း အတွဲ (၁)၊ အမှတ် (၁)၊ 

မတ်လ၊ ၂ဝ၁၃

.
Posted by SHWE ZIN U at 7:42 AM 

Labels: ပန်းသတင်း (၂ဝ၁၃)

Credit to: 

https://www.facebook.com/pyaung.pyan  Post

https://www.facebook.com/photo.php?

fbid=406856269502722&set=a.306700879518262.1073741827.100005350564409&type=1

စီးပွားရေးတွက်ခြေကိုက်သော ကြယ်ပဲစိုက်ပျိုးနည်းစာအုပ်

ဒေါင်းလုပ်လင့်
Credit to: https://www.facebook.com/nyanwinphyo ကိုဥာဏ်ဝင်းဖြိုး ဖေ့ဘွတ်စာမျက်နှာမှ
ဓာတ်ပုံရယူ၍ ဖတ်ရလွယ်ကူစေရန် စာအုပ်ငယ်ပြုလုပ်ထားပါသည်။

ရွှေပေါ်ကျွန်းဆရာတော် တဘောင်များ

ရွှေပေါ်ကျွန်းဆရာတော် တဘောင်များ

==============================

၁) မီးကုန်ယမ်းကုန် ရိက္ခာကုန် တပ်တွင်းသူပုန်ထလိမ့်မည်။ 
၂) သူပုန်ထကာ မင်းမိစ္ဆာ ချက်ချင်းကျလိမ့်မည်။ 
၃) မင်းကျင့်တရား ထုံး(၁၀)ပါး နဂါးတပ်က အောင်လိမ့်မည်။ 
၎) စိတ်ဝမ်းကွဲလျှင် ချက်ချင်းပင် ထိုးစစ်ဆင်လိမ့်မည်။ 
၅) တပေါင်းစစ်ချီ ဒေါင်းစစ်သည် သောင်းချီတက်လိမ့်မည်။ 
၆) နဂါးတက်မင်း ပြည်တော်ဆင်း မိစ္ဆာမင်းဆက် ပြုတ်လိမ့်မည်။ 
၇) ထိုနေ့အခါ ပြည်မြန်မာ သာယာဝပြောမည်။ 
၈) မိစ္ဆာရဲ့လမ်းက ကျယ်ပါဘိ၊ နောက်တက်မယ့်မင်းက ငယ်ပါဘိ။ 
၉) ထိုနေ့အခါ မင်းမိစ္ဆာ၊ ယတြာဘယ်လိုကောင်းကောင်း တပေါင်းမကျော်ပြီ။ ၁၀) မန်းတောင်က တောင်သမန်ရေ နှစ်ခါဖွေး ပြည်တော်ပြန်မိန်းကလေး တက်မှအေး။  


credit to:http://pyethubhunebhune.blogspot.com/

credit to : မြန်မာသံတော်ဆင့်သတင်းဂျာနယ်

ဆရာတော် ဓာတ်ပုံများ

လျှို့ဝှက်ရှားပါးသော မြန်မာ့ဆေးစွမ်းကောင်းများ

မြန်မာ့ဆေးစွမ်းကောင်းများကို နှစ်သက်မြတ်နိုးကြကုန်သော
မိတ်ဆွေများအတွက် ယခုစာအုပ်ငယ်ကို ဓာတ်ပုံဖြင့် PDF ပြုလုပ်၍
မျှဝေပေးလိုက်ပါသည်။ဒေါင်းတော်မူကြပါ....................

ဒေါင်းလုပ်လင့်
=========

----------
အဆင်မပြေရင် ပြန်ပြောပေးကြပါ။
ဤ စာအုပ်အား ပြုစုသော စာရေးသူအား Credit ပေးပါတယ်ခင်ဗျာ

သူတော်စင်တို့ နားခိုရာ အေးချမ်းဆိတ်ငြိမ် ကမ္ဘာ

credit to:မဟာဗောဓိ ရုပ်သံလိုင်း

တန်ခိုးသိဒ္ဓိကိုဖွင့်လှစ်နိုင်မည့်သော့ရှစ်ချောင်း

 နံပါတ်(၁) တန်ခိုးသိဒ္ဓိအကြောင်း....

ပထမဦးဆုံး နားလည်ရမှာက ကျွန်တော်တို့ နေထိုင်နေတဲ့ 

စကြာဝဠာကြီးရဲ့အကြောင်းကို အရင်ဆုံး နားလည်ထားသင့် တယ်။

 ဒါကြောင့် ဒီစကြာဝဠာရဲ့ အရှိန်အစော် စွမ်းရည်ဆိုတဲ့ ကိစ္စပဲ။ 

အဲဒါကို ဘယ်သူလုပ်တာလဲလို့ မမေးနဲ့။ ဒါကို သဘာဝ

တရားကြီးလို့ ခေါ်တယ်။ ဓာတ်တစ်ခုလို သဘောထားချင်လည်း 

ထားလို့ရတယ်။ အရာအားလုံးကို မူလလို့ ယူဆချင်လည်း 

ယူဆပေါ့ကွာ။ အဲဒီလို မယူဆချင်ရင်လည်း နက်ရှိုင်းမှု့ရဲ့ ဗဟိုလို့

 ပြောချင်လည်း ပြော။ အာဠာယ၀ိညာဏ် ကြီးလို့ ပြောချင်လည်းပြော။ 

အာဒိ သိမှု့လို့ ခေါ်ချင်လည်း ခေါ်။ အာဒိ လှုပ်ရှားမှု့ အာဒိစွမ်းအင်

 ကြိုက်သလိုခေါ်နိုင်တယ်။ ကြိုက်သလို နာလည်နိုင်တယ်။

ဥပမာအားဖြင့် ပြောရရင် ရေကို ကုလားလူမျိုးတစ်မျိုးက ပါနီလို့ခေါ်တယ်။

 အခြားကုလားလူမျိုးတစ်မျိုးက ဂျားလ်လို့ ခေါ်တယ်။ အင်္ဂလိပ်က

 ၀ါးတားလို့ခေါ်တယ်။ တရုပ်က စွေ့လို့ခေါ်တယ်။ ကိုယ်နည်းကိုယ့်ဟန်နဲ့

 ခေါ်ချင်သ လို ခေါ်နေကြတာပဲ။ ဒါပေမယ့် ရေကတော့ရေပဲ။ တခြားဘာမှ

 မဖြစ်နိုင်ဘူး။ အဲဒီလိုပဲ စကြာဝဠာရဲ့ အရှိန်အစောကြီး ဟာ တကယ်ရှိတယ်။

 ကိုယ်ကြိုက်သလို ခေါ်နိုင်တယ်။ ပရာန လို့လည်း ခေါ်လို့ရတယ်။ 

အဲဒိပရာနဟာ နေရာင်ခြည်မှာလည်း ရှိတယ်။ လရဲ့ ရောင်ခြည်မှာလည်း

 ရှိတယ်။ ရေမှာလည်း ၇ှိတယ်။ တိရစ္ဆာန်မှာလည်း ရှိတယ်။ 

သစ်ပင်ကျောက်တုံး စတဲ့အရာတွေမှာလည်း ရှိတယ်။ ကိုယ့်ရဲ့ 

ကိုယ်ထဲမှာလည်း ရှိတယ်။ သူတစ်ပါးတွေရဲ့ ကိုယ်ထဲမှာလည်း 

ရှိတယ်။ အဲဒီ ပရာနဟာ တစ်နေ့မှာ စွမ်းအင်ဖြစ်လာမယ်။

 အဲဒိအခါကျတော့ ပရာနလို့ မခေါ်တော့ဘူး။ နဂါးတကောင်နဲ့ 

တင်စားပြီး နာဂသတ္တိ (SERPANT POWER) ရယ်လို့ ဖြစ်သွားတာပဲ။

ဒါဆို အဲဒီပရာနဆိုတဲ့ အရာကို ဘယ်သူပိုင်တာလဲ....

အရာအားလုံနဲ့ ပတ်သက်တယ်။ ဒါပေမယ့် ဘယ်သူမှ မပိုင်ဘူး။

 ဥပမာ ကိုယ်တွေ အသက်ရှူနေတဲ့ လေဟာ လူတိုင်းနဲ့ တော့ 

ပတ်သက်တယ်။ ဒါပေမယ့် ဘယ်သူပိုင်လို့လဲ။ အဲဒီအတိုင်းပေါ့။

ဒါဆိုရင် အဲဒီပရာနကို ကိုယ်က ဘယ်လိုလုပ်ရမှာလဲ......?

အဲဒီ ပရာနဟာ ကိုယ့်ကိုထဲမှာ ရှိနေတယ်။ ဒါပေမယ့် သူဟာ

 နိုးကြားခြင်း မရှိဘူး။ အပျင်းကြိးပြီး အိပ်စက်နေတဲ့ မြွေတစ်ကောင်လိုပဲ။

 နိုးကို မနိုးဘူး။ ငြိမ်ပြီး အိပ်နေတယ်။ သူ့ကို ကိုယ်က နှိုးရမှာ။

 သူနိုးတာကို နာဂသတ္တိနိုးတယ်။ တန်ခိုးစွမ်းအင်နိုးတယ်လို့ ပြောတာပေါ့။

 အဲဒီနာဂသတ္တိဆိုတဲ့ အရာဟာ တကယ်ရှိတယ်။ သူဟာ အလွန် အဖိုးတန်တယ်။

 လူ့လောကကြီးမှာ သူ့ကို အသုံးချပြီး ဘယ်အရာမဆို 

ရအောင်ယူနိုင်တယ်။ ချမ်းသာခြင်း၊ သြဇာတိက္ကမကြီးခြင်း၊ နာမည်

ဂုဏ်သတင်း ကျော်ကြားခြင်းကအစ ဘာမဆို လုပ်နိုင်တယ်။

သေသေချာချာလုပ်ကြည့်ရင် ရှစ်မျိုးသောသိဒ္ဓိကို ရနိုင်တယ်....

မိမိခန္ဓာကိုယ်ကို သေးသေးကလေးဖြစ်အောင် ချုံ့ပစ်နိုင်တဲ့ ... အဏိမာသိဒ္ဓိ။

မိမိခန္ဓာကိုယ်ကို အဆမတန်ကြီးအောင် လုပ်နိုင်တဲ့ .... မဟိမာသိဒ္ဓိ။

အာကာသထဲထိအောာင် ပျံဝဲအောင် လုပ်နိုင်တဲ့ လဃိမာသိဒ္ဓိ။

ကိုယ်ကိုကို တောင်ကြီးလို လေးနေအောင် လုပ်နိုင်တဲ့ ဂရိမာသိဒ္ဓိ။

အလိုရှိတိုင်း ကြားနိုင်သိနိုင်တဲ့ ပရပတိသိဒ္ဓိ။

ကိုယ်အလိုရှိတိုင်း ဖန်တီးနိုင်တဲ့ ... ပရာကာမယသိဒ္ဓိ။

ကိုယ်အလိုရှိသလို စွဲဆောင်နိုင်တဲ့ ... ၀သိတံသိဒ္ဓိ။

အလိုရှိသလို လွှမ်းမိုးနိုင်တဲ့ ... ဣသတံသိဒ္ဓိ အဲဒီလို သိဒ္ဓိ၇ှစ်မျိုး အထိ 

ရရှိစေနိုင်တယ်။

အဲဒီသိဒ္ဓိရှစ်မျိုးကို ရအောင်ဖွင့်လှစ်ဖို့ သော့တံရှစ်ချောင်းလိုတယ်။

ပထမသော့တစ်ချောင်းရဲ့နာမည်က “ ယမ ” လို့ခေါ်တယ်။

အဲဒါကတော့ ဘယ်လိုအကြောင်းနဲ့မှ မုသားမပြောဆိုခြင်းဆိုတဲ့ အချက်ရယ်၊ 

အလိုဆန္ဒကို ချုပ်တည်းမှု့ရယ်၊ ခိုးဝှက်ခြင်း မပြုမှု့ရယ်၊ လာဘ်မစားဖို့ရယ်လို့

 အဓိပ္ပါယ်ရတယ်။ ဒါပေမယ့် ဒါတွေဟာ အတိအကျ ပြောရမယ့်ကိစ္စတွေ 

မဟုတ်ပါဘူး။ ယမဆိုတဲ့သော့ကို ဘယ်လို အဓိပ္ပါယ်ဖွင့်ရမလဲဆိုရင် 

အပြောအဆိုနဲ့ ပါတ်သက်လို့ သူက မချုပ်ချယ်ပါဘူး။ အမှန်ကို ပြောဖို့ပဲ

 တိုက်တွန်းတာပါ။ နားထောင်တာနဲ့ ပတ်သက်လို့လည်း သီးခြား

 ဆုံမချက်မရှိပါဘူး။ အမှန်ကို နားထောင်ရမယ်။ သတ္တိနဲ့ ပတ်သက်

လို့လည်း အခက်တွေ့တဲ့အခါမှသာ ထုပ်ရမယ်တဲ့။

ဒုတိယသော့တစ်ချောင်းရဲ့နာမည်က “နိယာမ” လို့ခေါ်တယ်။

နိယာမဟာ ခန္ဓာဒာကိုအတွင်းအပြင် သန့်၇ှင်းစေရမယ်လို့ 

ဆိုထားတယ်၊ ရောင့်ရဲလွယ်ရမယ်လို့ ဆိုထားတယ်။ ဘုရား ကို 

ကြည်ညိုရမယ်လို့လည်း ဆိုထားတယ်။ အလိုရမက်တွေအားလုံး၊

 အာသာဆန္ဒတွေအားလုံးကို နှိပ်ကွက်နိုင် ရမယ်။

တတိယသော့တစ်ချောင်းရဲ့နာမည်က “ အာသန” လို့ခေါ်တယ်။

အာသနဆိုတာကတော့ ထိုင်ပုံထိုင်နည်းတွေကို ဆိုတာပါ။

 အဲဒီအာသနက ဘာအတွက် သတ်မှုတ်ထား၇သလဲဆိုတော့ 

ကိုယ်လက်အင်္ဂါ အကြောင်းမဲ့ ယိမ်းယိုင်ခြင်း၊ လှုပ်ရှားခြင်း 

မဖြစ်စေဖို့၊ ထိုင်ပုံထိုင်နည် အာသနကို သင်ကြားရတာပဲ။

စတုတ္ထသောတစ်ချောင်းရဲ့အမည်က “ ပရတျာဟာရ ” လို့ ခေါ်တယ်။

မြူတူးပြန့်လွှင့်နေတဲ့ စိတ်ကို ချုပ်တည်းတာ၊ အပြင်ကို 

အာရုံမစိုက်ပဲ ခန္ဓာတွင်းကို အာရုံစိုက်ဖို့ ညွန်ပြထားတယ်။

ပဉ္စမသောတစ်ချောင်းရဲ့အမည်က “ ပရာဏာယာမ ”လို့ခေါ်တယ်။

အဲဒါကတော့ အသက်ရှူတဲ့ ကျင့်စဉ်ကို ပြောတာပါ။

ဆဋ္ဌမသောတစ်ချောင်းရဲ့အမည်က “ ဓာရဏာ ” လို့ခေါ်တယ်။

ကိုယ်စူးစိုက်ရမယ့် အရာတွေကလွဲပြီး တခြားအရာတွေကို အာရုံမစိုက်ဖို့ပါ။

 စိတ်မပျံ့လွင့်ဖို့ပါ။

သတ္တမသော့တစ်ချောင်းရဲ့အမည်က “ ဇာဏ ” လို့ ခေါ်တယ်။

ကိုယ်စူးစိုက်တဲ့အာရုံကလွဲပြီး အခြားအာရုံတွေကို စွန့လွှတ်လောင်မြိုက်

ပစ်ဖို့ပါပဲ။

အဋ္ဌမသော့တစ်ချောင်းရဲ့အမည်က “ သမာဓိလို့ ” ခေါ်တယ်။

အဲဒါကတော့ စိတ်ရဲ့ တည်ငြိမ်မှု့ကို ပြောတာပါ။ ကိုယ့်စိတ်ကို မလှုပ်ရှားစေဘဲ 

တည်ငြိမ်နေတဲ့ သဘောကို ပြောတာပါ။ အဲဒိသော့ရှစ်ချောင်းကို 

ပိုင်ပိုင်နိုင်နိုင်ရအောင် လေ့ကျင့်ကြိုးစားပြီး နာဂသတ္တိလို့ ခေါ်တဲ့ 

ဘဏ္ဍာတိုက်ကို ဖွင်နိုင်ပါလိမ့် မယ်။

credit to:

စေတနာကောင်းဖြင့်

ဟိန်းတင့်ဇော်

၂၀၁၅ မှာ မြန်မာပြည် အဆိုးထဲက အကောင်းပြန်ဖြစ်မယ် (စံဇာဏီဘို)

၂၀၁၅ ခုနှစ်မှာ မြန်မာပြည်ရဲ့ အနေအထားဟာ အပြောင်း အလဲတွေ ဖြစ်လာပြီး 

အဆိုးထဲက အကောင်း ပြန် ဖြစ်မယ်လို့ မြန်မာ့ နက္ခတ်ပညာရှင် စံဇာဏီဘိုက

 ဟောကိန်း ထုတ်လိုက်ပါတယ်။

၂၀၁၅ ခုနှစ်ထဲ တနိုင်ငံလုံး အပစ်ရပ် လက်မှတ်ထိုးနိုင်ဖို့ ရှိပြီး ပြည်တွင်း 

စီးပွားရေး လုပ်ငန်းတွေ အကျပ်အတည်း ကြုံနိုင်တယ်လို့လည်း သူက

 ဟောကိန်း ထုတ်ပါတယ်။

မြန်မာ့နက္ခတ်ပညာရှင် စံဇာဏီဘိုကို ဒီဗွီဘီက ဆက်သွယ်မေးမြန်းထား

ပါတယ်။

ဆရာတို့ နက္ခပညာအရ မြန်မာပြည်နိုင်ငံရေးအပေါ် တွက်ချက်ရထားတာတွေ

 ပြောပြပါ။

“နံပတ် ၁ – စစ်ဘက်က အာဏာသိမ်းတာမျိုး မမြင်ပါဘူး၊ နံပတ် ၂ – ရွေးကောက်ပွဲ

 ကျင်းပမှာ မြင်ပါတယ်။ နံပတ် ၃ – နိုင်ငံရေးနဲ့ ပတ်သက်တဲ့ လမ်းကြောင်းအနေ

အထားတွေမှာ ဇန်န၀ါရီ ၂၁ နဲ့ ဖေဖော်ဝါရီ ၁၉ ကြားမှာ ၁ ကြိမ်၊ မေ ၂၀ နဲ့ 

ဇွန် ၂၀ ကြားမှာ ၁ ကြိမ် နည်းနည်းလေး အနှောင့်အယှက်တွေ ရှိတယ်။ 

အဲဒါကတော့ နိုင်ငံရေးအရ ဖိနှိပ်မှုလေးတွေ အနည်းငယ် ရှိလိမ့်မယ်။

 နိုင်ငံရေးဖိနှိပ်မှုနဲ့ ပတ်သက်တဲ့အတွက် အဖမ်းအဆီး ရှိနိုင်တာ သတိထား

ရမှာပေါ့။ အောက်တိုဘာ ၂၁နဲ့ နိုဝင်ဘာ ၂၀ ကြားမှာတော့ လမ်းကြောင်း

 ပြောင်းပြီးတော့ စီမံမှုအသစ်တွေနဲ့ ရွေးကောက်ပွဲဘက်ကို ဦးတည်တာ

 တွေ့ရတယ်။”

ဖွဲ့စည်းပုံနဲ့ ပတ်သက်လို့ရောခင်ဗျ။

“ဖွဲ့စည်းပုံနဲ့ ပတ်သက်လို့ အပြောင်းအလဲ တစုံတရာ မမြင်ပါဘူး။ 

ဒါပေမယ့် ကျနော့်အမြင်မှာ ပြည်တွင်းငြိမ်းချမ်းရေးကို သွားတဲ့လမ်းကြောင်း

မှာ ဖွဲ့စည်းပုံတခုလုံးကို ပြန်လည် ပြင်ဆင်ရမှာ တွေ့ရပါတယ်။

တခြားသော အကြောင်းအရာနဲ့ ဖွဲ့စည်းပုံ ပြင်ဆင်မှာ မတွေ့ရပါဘူး။

 ချွင်းချက်အနေနဲ့ ၂၀၁၅ ဧပြီ ၂၁နဲ့ မေ ၂၀ အကူးမှာတော့ 

အပြောင်းအလဲ တစုံတရာ ရှိနိုင်တယ်ဆိုတဲ့ အမှတ်အသားကို

 တွေ့ရတယ်။”

အဲဒီအပြောင်းအလဲက ဘာပါလဲ။

“အဲဒီ အပြောင်းအလဲက မူဝါဒဆိုင်ရာရဲ့ အခြေခံနဲ့ ပတ်သက်တဲ့

အပြောင်းအလဲ ဖြစ်နိုင်တယ်။ ဥပဒေသကြီးတခုလုံးကို ပြောင်းလဲတဲ့ 

အပြောင်းအလဲမျိုး မဟုတ်ဘူး။ ကြေညာချက်တခု သို့မဟုတ် ဥပဒေ

ကဲ့သို့ပြုသော အပြောင်းအလဲ တစုံတရာကို ပြဋ္ဌာန်းတာမျိုး ကျနော်

 မြင်တယ်။”

လူထုခေါင်းဆောင်ဒေါ်အောင်ဆန်းစုကြည်နဲ့ ပတ်သက်လို့ ဆရာတို့ 
ပညာအရ ဘယ်လို မြင်ရလဲ။

“ကျနော်တို့အမြင်အရ သူ့ရဲ့ အခြေအနေ အနေအထားက 

အထူးကောင်းတာ တွေ့ရပါတယ်။ ခေါင်းဆောင်မှု အပြည့်အ၀ပေးနိုင်

တဲ့ အရည်အသွေးကို တွေ့ရတယ်။ ခေါင်းဆောင်မှု အနေအထားကို 

ရရှိမယ့် ကံကြမ္မာကိုလည်း တွေ့ရတယ်။ ခေါင်းဆောင်မှု တခုကို 

ရနိုင်တဲ့ ထောက်ခံမှုရဖို့ကိုလဲ တွေ့ရတယ်။”

ပြည်တွင်းငြိမ်းချမ်းရေးနဲ့ ပတ်သက်လို့ရောခင်ဗျ။

“ပြည်တွင်းငြိမ်းချမ်းရေးရဖို့ လမ်းစလေးတွေ ကောင်းတယ်။

 ပြည်တွင်းငြိမ်းချမ်းရေးနဲ့ ပတ်သက်လို့ ဖေဖော်ဝါရီ ၁၇ နဲ့ မတ် 

၂၀ ကြားမှာ ၁ ကြိမ်၊ ဧပြီ ၂၀နဲ့ မေ ၂၀ ကြားမှာ ၁ ကြိမ်၊ ဇူလိုင်

 ၂၁နဲ့ သြဂုတ် ၂၀ ကြားမှာ ၁ ကြိမ်၊ အဲဒီဆွေးနွေးမှုတွေကနေ

 တစုံတရာ ရလာမယ်၊ အပစ်အခတ်ရပ်စဲမှုအထိ ရနိုင်မယ်။”

၂၀၁၅မှာ မြန်မာ့စီးပွားရေး ထူးထူးခြာခြား တိုးတက်ပြောင်းလဲမှာ
 တွေ့ရလား၊

“၂၀၁၅မှာ မြန်မာပြည်တင်မဟုတ်ဘူး ကမ္ဘာ့မှာပါ အလုပ်လက်မဲ့ဦးရေ 

များလာမယ်။ ကုန်ဈေးနှုန်းတွေ မြင့်တက်လာမယ်။ အကျပ်အတည်း

 တစုံတရာ ဖြစ်ပေါ်မယ့်နှစ်။ မြန်မာပြည်မှာလည်း ဒီဂယက်နဲ့ တိုက်

ဆိုင်နိုင်တယ်။ ဘာလို့ဆိုတော့ မြန်မာပြည်ရဲ့ ဇာတာကို စစ်လိုက်တော့ 

သူဌေးသူကြွယ်တွေရဲ့ စီးပွားယိုယွင်းခြင်း၊ အောက်ခြေလူတန်းစာတွေရဲ့

 စီးပွားယိုယွင်းခြင်း ဒီ ၂ နေရာမှာ တွေ့တယ်။ စီးပွားရေးအနေနဲ့ စီးဆင်း

မှုနဲ့ လည်ပတ်မှုနဲ့ စီးပွားဖြစ်ထွန်းမှုတို့က ရှိနေမယ်။ ကျနော်တို့ ပြောနေ

တဲ့ကိစ္စက အလုပ်လက်မဲ့ပြဿ  နာရယ် ကုန်ဈေးနှုန်းကြီးမြင့်မှု ပြဿ  နာရယ် 

တွက်ချက်လို့ ရထားပါတယ်။ ပြည်တွင်းမှာ လာရောက် ရင်းနှီးမြှုပ်နှံမှုတွေ

လည်း ရှိမယ်။ ဒါပေမယ့် ပြည်တွင်းမှာ လက်ရှိလုပ်နေကြတဲ့ စီးပွားရေး 

လုပ်ငန်းတွေ အကျပ်အတည်း ကြုံမယ်။ ဘဏ်လုပ်ငန်းမှာလည်း အခြေ

အနေအဆိုးရှိတယ်။”

လူမှုရေးအပိုင်း နိုင်ငံမှာဖြစ်တတ်တဲ့ လူမျိုးရေးဘာသာရေးပဋိပက္ခ 
ဘယ်လိုဖြစ်လာနိုင်မလဲ။

“စနေဂြုင်္ိဟ် တူရာသီမှာ တည်တာရှိတယ်။ ကြာသပတေးင်္ဂြိုဟ် ကရကဋ်ရာသီမှာ

 နောက်ပြန် သွားနေတဲ့ အနေအထားတွေရှိတော့ အဲ့ဒီ အနေအထားတွေအရဆို

 ကမ္ဘာမှာလည်း အစွန်းရောက်တွေ တဘက်စွန်းကို သွားနေကြမယ်။ ပြည်တွင်း

မှာလည်း အဲ့ဒီ အစွန်းရောက်ဝါဒ တွေကို နည်းနည်းတော့ အားလုံးက ၀ိုင်းပြီး 

ထိန်းဖို့ လိုပါမယ်။ လူမျိုးရေးပြဿ   နာ မဟုတ်ဘူး။ အမျိုးသားရေးပြသနာအထိ 

ကျယ်ပြန့်လာစရာ အကြောင်းရှိတယ်။”

အဲ့ဒီတော့ ဆရာတို့ နကတပညာအရ ၂၀၁၅ မြန်မာပြည်အခြေအနေကို

 ခြုံပြီး ပြောမယ်ဆိုရင် ဘယ်လို ပြောလို့ရမလဲ။

“၂၀၁၄ ထက် ပိုပြီး သာလာမယ်။ အနာဂတ်အသစ်တခုကို စတင်ပြီးဖြစ်ပေါ်ဖို

့အတွက် အခြေတည်တဲ့ နှစ်တခု ဖြစ်မယ်။ အဲ့ဒီအတွက်ကြောင့် မြန်မာပြည်ရဲ့

 ကံဇာတာ ညှိုးမှိန်မယ်လို့ မဆိုလိုဘူး၊ ကံဇာတာ မြန်မာပြည်က ကောင်းတယ်။

 ပြည်သူတွေရဲ့ ကံကြမ္မာကို ပိုပြီးတော့ တောက်ပြောင်ငြိမ်းချမ်းအေးချမ်းတဲ့ 

အနာဂတ်တခုကို စဉ်းစားဖန်တီးနိုင်တဲ့ ကံကြမ္မာကို ပိုင်ဆိုင်တဲ့ နှစ်တခုဖြစ်

တယ်။ လာမယ့် ၂၀၁၅ ခုနှစ်ရဲ့ သဘာဝက နံပတ် ၈ ဂဏန်းကို ကိုယ်

စားပြုတယ်။ မြန်မာပြည်က နံပတ် ၄ နဲ့ စတင်ပြီးတော့ လွတ်လပ်ရေးရရှိခဲ့

တယ်။ မြန်မာပြည်ဟာ ၄ ဂဏန်းနဲ့ ၈ ဂဏန်းတို့ ပူးတွဲပြီးတော့ စတင်ဖြစ်

တည်လာတာ။ အခု ၈ ဂဏန်းကို ရောက်တဲ့ကာလမှာ မြန်မာပြည်ရဲ့ 

အနေအထားဟာ အပြောင်းအလဲတွေ ဖြစ်လာပြီးတော့ အဆိုးထဲက

အကောင်း ပြန်ဖြစ်မယ့်သဘော ကျနော် တွေ့တယ်။”

credit to:By ရွှေအောင် (ဒီဗွီဘီ)

http://burmese.dvb.no/archives/75663 

http://www.thithtoolwin.com/2014/12/blog-post_8217.html

မအိုသေးတဲ့သူ အပျိုလေးနဲ့တူ့

မြန်မာအမျိုးသမီးများသည်     ကမ္ဘာတွင် အလှဆုံး       အတန်းအစားတွင်

 ပါဝင်ပါသည်။အသား၏ ညက်ညောခြင်း၊ မျက်လုံး     မျက်ဖန်ကောင်းခြင်း၊

 နှာတံနှင့် ပါးစပ်လှပခြင်း၊အရပ်မောင်းနှင့် ကိုယ်လုံးကိုယ်ပေါက်အချိုးကျခြင်း ၊

 ဆံပင်ကောင်းခြင်း၊ သွားများ ညီညာခြင်း        တို့ကြောင့် ဖြစ်ပါသည်။

နိုင်ငံခြားသူများကဲ့သို့ ချိုင်းချွေးနံ မပြင်းခြင်းသည်လည်း အကြောင်းတစ်ရပ်

ဖြစ်သည်။   အပျိုဘဝတွင်       ဤမျှလှ ပသော     မြန်မာလုံမေများသည် 

မိခင်ဘဝရောက်၍များစွာ     အိုစာသွားခြင်းသည်     အလွန်ကြီးမားသော

အားနည်း ချက်ဖြစ်နေပါသည်။

အထူးသဖြင့် ဗိုက်ခေါက်ထူလာခြင်း၊ ဗိုက်သားများ ချပ်ချပ်ရပ်ရပ် မရှိဘဲ

 ပျော့ရိပျော့တွဲနှင့်ဗိုက်ကြောများ အထပ်ထပ်ပြတ်ကာ အရုပ်ဆိုးလာခြင်းများ

 ဖြစ်လာရပါသည်။

ရှေးက     နနွင်းလိမ်ခြင်း၊    ကြပ်ထုပ်ထိုးခြင်း၊      အုတ်ပူကပ်ခြင်း များပြု၍ 

ချပ်ချပ်ရပ်ရပ်နှင့် လှပခဲ့ကြသော်လည်း ကိုလိုနီခေတ် နောက်ပိုင်းတွင်

 ထိုလုပ်ရပ်များသည်အပိုအလုပ်များဟု ယူဆကာပစ်ပယ်လာခဲ့ကြလေသည်။

တချို့မှာသားသမီးအများကြီးမွေး၍ပုံပျက်သွားရခြင်းဖြစ်သော်လည်း    အချို့မှာ

ကလေးတစ်ယောက်    နှစ်ယောက်လောက်မွေးရုံနဲ့     ရုပ်ပျက်ဆင်းပျက် ဖြစ်သွား

ရလေသည်။သာမန်အမျိုးသမီးများကို မဆိုထားဘိ။ အလှ အပနှင့် စီးပွားရေးရာ

အခြေပြုရသော ရုပ်ရှင်မင်းသမီး၊ဇာတ်မင်းသမီးများကိုကြည့်ပါဦး။

တစ်ချိန်က       အလှအပထိပ်ခေါင်အဖြစ်       နာမည်ကြီးမင်းသမီးများ ယနေ့ 

ဗီဒီယိုခေတ်တွင် ဗိုက်ပူကြီးများဖြင့် မိခင်ခန်းများတွင်သရုပ်ဆောင်နေရသည်ကို

 တွေ့မြင့်ရပေမည်။စင်စစ်ထိုမင်းသမီးများသည်ရုပ်မကျကြသေး ပါ။မျက်နှာလေးများ 

လှပနေဆဲဖြစ်သော်လည်း    ဗိုက်ရွဲ၊   ဗိုက်ပူ၊   ခါးတုတ်ကြီးများ ဖြစ်သွားခြင်းကြောင့် 

မိခင်ခန်း သို့ ကူးပြောင်းသရုပ်ဆောင်နေခြင်းဟု သဘောရပါသည်။

မြန်မာမိခင်များအနေဖြင့် အနောက်တိုင်းကလိုအချိန်ပေးပြီးအစားအသောက်

ဆင်ခြင်ရခြင်း၊ကိုယ်လက်လှုပ် ရှားမှုပြုရခြင်း   ၊အေရိုးဗစ်     ကစားရခြင်း၊

တုန်လှုပ်နေသောခါးပတ်စက်ဖြင့်အဆီလျှော့ခြင်း၊   အဆီပျော်ဆေးထိုးပြီး 

အဆီစုပ်ထုတ်ခြင်းကို ခေတ္တမျှ လုပ်ပေးရုံနှင့်      ဗိုက်သားချပ်ချပ်ရပ်ရပ်နှင့်

 သွေးသားသန့်စင်ကာ     မအိုသေးတဲ့သူ      အပျိုလေးနဲ့     တူနိုင်ပါသည်။

ယခု ထိုနည်းကို ပေးမည်။

မီးဖွားပြီးစ လျော့ရဲနေသော ဝမ်းဗိုက်ကို ချပ်လာစေရန်    လည်းကောင်း

၊မကောင်းသော        အညစ်အကြေးများ     ကုန်စင်ပြီးသွေးသားသန့်စင်

ကြည်လင်လာစေရန်လည်းကောင်းရည်ရွယ်၍

 ဆေးစည်းခြင်းကို ပြုကြပါသည်။

ဆေးစီမံနည်းမှာ………..

၁။ ငရုတ်ကောင်း ၃ ကျပ်သား

၂။ ပရုတ်မှုန့် ၃ ပဲသား

၃။ လေးညင်း ၅ ကျပ်သား

ယင်းဆေးသုံးပါးကို ကြိတ်၍ တောအရက် ၁၂ ကျပ် ရှစ်ပဲသား နှင့်

 ကြိုတင်၍ စိမ်ထားပါ။မီးဖွားပြီးနောက် ဗိုက်ကို လိမ်းစေပြီး အသင့်ချုပ်ထားသော

 ဗိုက်အပြည့်လုံသော အဝတ်ဖြင့်(corset) ပတ်စည်းပေးပါက အညစ်အကြေး

သန့်စင်ခြင်း၊ဗိုက်မရွဲဘဲဗိုက်ချပ်ခြင်း၊အကြောပြတ်မှုနည်းခြင်း၊    ဗိုက်သားများ

တွန့်ရှုံ့မှု ပြေပျောက်ခြင်း၊ ရေဖျဉ်း၊လေဖျဉ်း   စသည်တို့မဖြစ်စေဘဲ    လှလှပပ 

ချပ်ချပ်ရပ်ရပ်နှင့်တစ်သားမွေးတစ်သွေးလှစေ မည့် အကျိးကျေးဇူးများရမည်

ဖြစ်ပါသည်။ ပျိုအလှတို့ မိမိတို့ ကိုယ်ကာယကို ထိန်းနိုင်ပါစေ။

credit to:ဒေါက်တာ အောင်နိုင်(ဆေးသုတေသန)

facebook:Warazein Min

ရေဖျဉ်းရောဂါ ပျောက်ဆေးနည်း

ဤအရှင်ထံသို့ ရေဖျင်းရောဂါသည်များထံမှ တောင်းပန်စာများအကြိမ်ကြိမ်ရောက်

လာဖူး၏၊ ဘယ်ပုံဘယ်နည်းပျောက် ကင်း စေ နိုင်ပါသလဲ၊ နည်းလမ်း    ရှိလျင်

 ညွှန်ကြားပေးတော်မူပါဘုရား ဟူ၍ ရပ်ဝေးမှ    စာရေးတောင်း   ဆိုကြသည်၊

အချို့က ခရီးကြုံကြိုက်ခိုက် ဤအရှင်ထံသို့ ၀င်ရောက်၍ တဆင့်မှာကြားလိုက်သူ

 ရောဂါသည်အတွက် ကိုယ်တိုင် ၀င်ရောက် ၍ မေးမြန်းလျောက်ထားတောင်းဆိုကာ

 ရေးမှတ်ယူသွားကြသည်၊ အမှန်မှာ ဤအရှင်သည်   ဆေးဆရာ    မဟုတ် ပါ၊

 ဆေးကုသေ ပး ဖူးခြင်းလဲ မရှိပါ၊ ၀ါသနာလဲ မရှိပါ   ၊ ရောဂါသည်များအား 

သနားသောစိတ်ကြောင့် တတ်သမျှ မှတ်သမျှ   ကလောင်ဖြင့်     ရေးသား

 ညွှန်ကြား ပေးနေသော သူသာ ဖြစ်၏၊

ထို့ကြောင့် စာဖတ်ပရိသတ်များအားလည်း နည်းရစေရန် စေတနာကောင်းဖြင့်

 ဤတွင်ဖော်ပြပေးလိုက်ပါသည်၊ ဆေးရုံမှ ဆရာဝန်တို့ ကုသနည်းနှင့် မတူပါ၊

 လုံးဝခြားနား၏၊ ဆရာဝန်တို့ ကုသနည်းကား ရေဖျဉ်းရောဂါသည်ကို ၀မ်းဗိုက်

 ခွဲ၍ ရေ ထုတ် ပစ်ပြီး ပြန်ချုပ်ပေးခြင်းသာ ဖြစ်သည် ဆို၏၊

သို့သော် တစ်နှစ်ကျော်လျင် ၀မ်းဗိုက်ဖောင်းကာ ပြန်ဖြစ်လာတတ်သည် ဆို၏၊

 တဖန် ဒုတိယအကြိမ် ခွဲ၍ ထုတ်ပေးရပြန် သည်၊ ခေတ္တကောင်းသလို ရှိသော်လည်း 

တဖန်ဖြစ်လာတတ်ပြန်သည်၊ ထိုအခါ ဆရာဝန်တို့ သုံးကြိမ် မြောက် မခွဲရဲကြ

 တော့ချေ၊ အကြောင်းမှာ သုံးကြိမ်ခွဲပြီးလျင် သေသွားတတ်ကြသောကြောင့်

 ဖြစ်သည် ဆို၏၊

ရန်ကုန်မြို့ ပြည်လမ်း၌နေထိုင်သူ နာမည်ကျော် ဒကာကြီးတဦး        ထိုရောဂါ 

ခံစားနေရ၍ သူ၏ဖြစ်ရပ်နှင့် ဆရာဝန်တို့ ကုထုံးကို ပြောပြဖူး၏၊    နောက်ထပ်

 မခွဲတော့ပဲ ဆေးကုသပေးခြင်း မခံယူတော့ပဲ နေသွားပြန်ကလည်း ရေဖျဉ်းရောဂါဖြင့်

 မကြာခင် သေ သွားကြရမြဲကျိန်းသေကဲ့သို့ ဖြစ်နေသည် ဆို၏၊ ကြောက်စရာ

 ရောဂါမျိုး ဟူ၍ လူအများက ပြော စမှတ် ပြု ထားကြ သည်၊ မြန်မာ သမားတော်

တို့ကလည်း နိုင်နင်းအောင် ကုသပေးခြင်း မတတ်နိုင်ကြလေရော့လား ဟူ၍

 တွေးဆ မိသည်၊

ဤအရှင်နည်းမှာ မခက်ခဲပါ၊ စရိတ်ကုန်ကျများသော ဆေးနည်းမျိုးလဲ မဟုတ်ပါ၊ 

ဗိုက်ခွဲ ရေထုတ်ပစ်ရန်လည်း မလိုပါ၊ ထိုရောဂါကြောင့် လူမသေရတော့ပါ၊

 စိတ်ချရသောနည်း ဖြစ်သည်။

ဆေးမယ်များ 

ကျောက်ချဉ်၊ ယမ်းစိမ်း၊ ဒုတ္ထာ - ဆေးမယ် ဤသုံးမျိုးကို အလေးချိန် ဆတူယူ၍ 

“ တေဇောဒကဆေးရည် “ ဖြစ်အောင် ချက်ယူရပါမည်၊    ချက်နည်းမခက်ပါ၊

ဤတွင် ညွှန်ကြားမည်၊

ဆေးရည်ဖော်စပ်နည်း

ဥပမာ- အလေးချိန် ၂ ကျပ်သားစီ ယူ၍ ရေ လက်ဖက်ရည်ပုဂံဖြင့် အဖန်ရည်ကို

 နှစ်လုံးမျှထည့်ပါ၊ ၄င်းကို အရက်ချက် သကဲ့သို့ ပေါင်းတင်၍ ချက်ပြီး ချွေးရည်

 (တေဇောဒကရည်) ကို ခံယူရခြင်း ဖြစ်သည်၊ လူတိုင်း နားလည်ကြ ပါမည်

၊ တေဇော ဒကဆေးရည်ကို ပုလင်းတွင် ထည့်ထားပါ၊

ဖော်စပ်နည်း

၎င်းတေဇောဒက ဆေးရည် ကို ပျားရည်တွင် ထည့်၍ နေလှန်းပေးရသည်၊

 အချိုးအစားမှာ ပျားရည်ပုလင်းကြီး တပုလင်း တွင် တေဇောဒကဆေးရည်ကို

 ဟင်းသောက်စတီးဇွန်း နှင့် တစ်ဇွန်းထည့်ပြီး ပုလင်းကို ကြာကြာကိုင်၍ 

လှုပ်ပေးနေပါ၊ ထို့နောက် ပုလင်းကို ပိတ်၍ နေပူ၌ (၃) ရက်လှန်းပေးပါ၊ 

၃- ရက်လှန်းပြီးလျင် စားသုံးရန် အဆင်သင့် ဖြစ်ပါပြီ၊

ဆေးစားသုံးနည်း

ရေဖျဉ်းရောဂါပျောက်ကင်းချမ်းသာစေရန်အတွက် နံနက်ပိုင်းတွင် တကြိမ်၊

 ညဦးပိုင်းတွင် တကြိမ်၊ ၄င်းပျားရည်ကို ဟင်း သောက် စတီးဇွန်းနှင့် တဇွန်းကျ

 သောက်ပေးပါ၊ ပြီးလျင် ရေနွေး အဖန်ရည်ကို ၀၀ကြီး သောက်ပေးပါ၊

 ရေအေး မသောက် ပါနှင့်၊ ဤနည်းအတိုင်း ရောဂါအခြေအနေ ကောင်းလာ

သည့်တိုင်အောင် အချိန်ရက်ကြာကြာ ဆက်တိုက်သောက် ပေး သွားရပါ မည်၊

 ရေဖျဉ်းစွဲနေသော ၀မ်းဗိုက်ဖောင်းဖောင်းကြီးသည် တဖြည်းဖြည်း လျှောဆင်း

သွားလိမ့်မည်၊ ဤကား ဆေးနည်းနှ င့် ဆေးစားသုံးနည်းတည်း။

ကိုယ်ခန္ဓာ ပြုပြင်လေ့ကျင့် နည်း

ရေဖျဉ်းရောဂါကို ဆေးတမျိုးတည်း စားရုံဖြင့် မလုံလောက်ပါ၊ ကိုယ်ခန္ဓာ

 ပြုပြင်ပေးနည်းပါ တွဲဖက်ရသည်၊ ကိုယ်ခန္ဓာ ပြုပြင် နည်းကလဲ မခက်ခဲပါ၊

ရှေးဦးစွာ အိပ်ယာပေါ်၌ ပက်လက်အနေအထားဖြင့် ခြေလက်ကို စန့်စန့်ထား၍

 အိပ်ပါ၊ ထို့နောက် ဖောင်းနေသော ၀မ်းဗိုက် ကို ပျောက်ကွယ်၍ ပိန်ချပ်သွား

သည်အထိ တဖြည်းဖြည်းချင်း ရှိုက်ပေးပါ၊ အစပိုင်းတချိန်ထက် လေ့ကျင့်မှု 

အရှိန်ကောင်း လာလျင် ရင်ဘတ်သည် ကျောရိုး၌ ကပ်နေသည်အထိ ပိန်ကျ

သွားအောင်နိုင်နင်းစွာ ရှိုက်၍ ပေးသွားပါ၊

ဤနည်းအတိုင်း တစ်ကြိမ်လျင် (၁၀) ခါထက် မနည်းစေပဲ လေ့ကျင့်ပေးရပါမည်၊

 တခါတရံ အနေမှန်လိုက်၊ ရှိုက်ပေး လိုက် ဖြင့် ၁၀ ခါအထိ လေ့ကျင့်ပေးရမည်

 ဟု ဆိုလိုသည်၊ တနေ့လျင် အနည်းဆုံး ၃- ကြိမ်လေ့ကျင့်ပေးပါ၊ မနက်အိပ် 

ယာမထ ခင် တကြိမ်၊ နေ့လည် တကြိမ်၊ ညအိပ်ယာဝင်တကြိမ်ဖြစ်သည်၊

ဤလေ့ကျင့်နည်း အောင်မြင်မှုရပြီးလျင် ရေဖျဉ်းရောဂါကြောင့် သေရမည့်ဘေးမှ

 ကျော်လွန်ခဲ့ပြီ ဟူ၍ မှတ်ပါ၊ ထို့နောက် ဆက်ရမည်၊

ဒုတိယအဆင့်မှာ မတ်မတ်ရပ်၍ အထက်ပါနည်းအတိုင်း တနေ့ ၃- ကြိမ်

 လေ့ကျင့်ပေးပါ၊ မတ်တပ်ရပ်ပြီး လေ့ကျင့် နည်းေ အာင်မြင်ခဲ့လျင် နောက်

ဆက်တွဲ လေ့ကျင့်နည်းမှာ ထိုင်နေရင်း၎င်း၊ အိပ်ယာပေါ်မှာ ဘယ်စောင်း

 ညာစောင်း လှဲနေရင်း၎င်း အထက်ပါနည်းအတိုင်း လေ့ကျင့်ပေးသွားပါ၊

 ၀န်လေးစရာ မရှိပါ၊ အညောင်းအညာ ဖြေသလိုပါပဲ၊

ဤပုံဤနည်းအတိုင်း တေဇောဒကဆေးရည်ကို နေ့စဉ်မှန်မှန်သောက်သုံး၍

 ကိုယ်ခန္ဓာပြုပြင်လေ့ကျင့်နည်းကို ပုံမှန် လုပ် ပေး သွားပါက ရေဖျဉ်းရောဂါကြောင့်

 ငါ လုံးဝ မသေနိုင်တော့ဘူး ဟု မှတ်ယူလိုက်ပါတော့၊ ၀မ်းဗိုက်ဖောင်းနေခြင်း 

မရှိတော့ လျင် တေဇောဒကပျားရည်ဆေး သောက်သုံးခြင်းကို ရပ်နားထားလိုက်ပါ၊

 ဤအရှင်၏ နည်းကောင်းနည်းမှန်ကို လိုက်နာကြ သော ရေဖျဉ်းရောဂါရှင်များသည်

 သေဘေးမှ လွတ်မြောက်ခဲ့ကြလေပြီ၊ ရေဖျဉ်းရောဂါဖြင့် မသေကြရတော့ပါ၊

Rf. တောင်တန်းသာသနာပြု ဆရာတော်ကြီး ဦးဥတ္တသာရ ၏ ကိုယ်တွေ့မှတ်တမ်းများ

 နှာ- ၁၅၇-၁၆၀

credit to:Warazein Min

posted by ပန်းကမ္ဘာ